الى el-hanouna لي طلبتلي المخبز ... و الكل للاستفاده
راني جبتلك الوصفة (جزائرية) نتع المخبز لاستخدمناها
نبدا على بركة الله
العجينة :
في وعاء عميق اخلطي 4 كيلات لوز + 1 كيلة سكر عــادي + قشرة ليمون + بللي بالبيض و انتي و حساب ما تتلم معاك
حتى تصبح مثل عجينة متجانسة و طرية
الغـلاساج ( الطلاء ) :
أولا نحضر شراب المكون من 2 كيلات سكر + 1 كيلة ماء .. خليهم يغلو حتى شويا يثقلو و منبعد طفي النار و خليه يبرد
في وعاء ضربي 1 بياض بيض عندما يبدأ يتحول الى ثلج اضيفي الشراب لحضرناه .. بعد ما برد + نصف فنجان شاي عضير الليمون + و في الأخير اضيفي سكر ناعم تدريجيا حتى تصبح عجينة طلاء غير سائلة ( يعني ثقيلة شوية )
ملاحظة
لون الطلاء حسب الرغبة ... باضافة ملون الطعام
في طاولة عمل نرش الفرينة .. و بالحلال نبسط العجينة بارتفاع 3 سم و نقطع بكأس شاي أو طابع شكل دائري أو مربع انتي و كيما تحبي الشكل
نضع الدوائر في صينية مرشوشة بالفرينة في الفرن لمدة 20 دقيقة الى ان تجف ... حتى تحسي انها خلاص طابت و أصبحت قابلة للاستعمال
و منبعد اطليها بالغلاساج لحضرناه و خليه ينشف و بالنسبة للزينة حسب الرغبة .. انا استخدمت عجينة اللوز بالطابع على شكل وردة
و في الأخير يخرجلك هاكا
أو بتزيين آخر :
أتمنى أن شرح مفصلي واااضح
و ماتنساوش تدعوووولي
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©