السلام عليكم
شفت هاد قلب لوز فى منتدى اخر جربو وفعلا ناجح 100 ب100 يعطيها الصحة صاحبة الوصفة (جزائرية) والله يجزيها كل خير
المقادير:
2كيلات سميد خشين
كيلة سكر
نصف كيلة زيت وانا درت زبدة
نصف كيلة ماء زهر
نصف كيلة ماء
الحشو:
3 كيلات لوز
كيلة ناقصة صبع سكر
ماء زهر
قرفة
سيرو:
لترماء
500 غ سكر
ماء زهر
التحظير:
فى صحن كبير خلطت سميد مع سكر

واضافت زبدة وخلطتو مليح بيديا


وبديت نرش فيه بماء زهر ولماء بلا ما نعجن حتى تلم وللعلم معملتش كمية ماء وماء زهرة المذكورة غير تشمخ وتشكلتو ييديا على شكل كرة حبت صاحبة الوصفة (جزائرية) هاك قالت



قصمت على اثنين وحطيت نصف اول فى قاع سنوة
وخلطت لوز مع سكر وقرفة واضافت ماء زهر وحطيتو فوق طبقة اولى


وحطيت نصف الباقى تاع سميد فوق لوز وقطعتو بلا ما نوصل لتحت ودهنتو بشوية زبدة من فوق وزينتو بلوزحب ودخلتو يطيب ويحمار
فى نفس الوقت حضرت سيرو حطيت ماء وسكر على نار يغلاو لمدة 15 دقيقة كى طاب طفيت عليه واضافت ماء زهر


وغير خرجتو من فرن سقيتو بسيرو للعلم انا درت سيرو بزيادة يعنى زودت فالمقادير وشربو بيه قاع وطفيت الفرن ودخلت سنيوة وغطيتها وخليتو سوايع حتى شرب اومبعد خرجتو وخليتو حتى برد مليح وقطعتو



وهنا راه واجد وفعلا جا رائع
انشاء الله تعجبكم الطريقة













©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©