السلام جبتلكم طريقة الطمينة احنا هكذا نولولها ومانعرف كل منطقة واش يسموها نديروها بالاكثر في الاسبوع نتاع البيبي والمراة كي تولد
والوقت اللي نتوحشوها اكيد

نبداو بالصور والشرح مفصل
توجدي عسل زبدة من الافضل ستار انا كان عندي الواجد لابال ودشيشة محمصة وشوية قرفة




تسخني العسيلة وتحطي في وسطها الزبدة باش تذوب


تبداي تخلطي حتان تذوب كامل


شفتو كيفاش يتبدل لون العسل يولي مايل للبياض نبداو نفرغو الدشيشة المحمصة شوية شوية
حتان نتحصلو عليها ماشي جارية وماشي يابسة تقدري ترفديها بالمغرف وماتسيحلكش


وهذا شكلها النهائي انا نجبها بالقرفة برك ومانحبش كي يديرولها المكسرات ولا حلوة الترك تروح بنتها الاصلية واللي حبت تزيدها من الفوق تزيد للتزيين مع لي دراجي


وهنا عن قرب اللي عجبتها ترفد تاكل



واش رايكم




©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©