بسم الله الرحمن الرحيم
السلام عليكم و رحمة الله
منذ سنوات كنت نعمل هذه التارت بالعجينة المكسرة la pate brisée
و كانت تعجب كل العايلة و كل من يذوقها
هذه اول مرة نديرها بالعجينة المورقة و المفاجأةعجبت الجميع بدون استثناء و الآن راني حاصلة طيبتها 4 مرات خلال 10 ايام و مازال الكل يطلب فيها و ما زال ما شبعوش منها
، ثمن الاختراع
و السبب انني طبخ جزائريت الورقات لكي نعمل المليفاي (بطلب من العائلة) و جاتني الفكرة القديمة تاعي تاع الشكلاطة و الميرانغو جربتها مرة خلاص الجميع نسى فكرة الميلفاي و قالو لي هيا كملي لنا الورقات بالإختراع الجديد
و بطلنا ما ناكلوش الميلفاي
البنة ما عندي ما نقول احسن و ابن تارت ذقتها في حياتي التقرميش و البنة روووووووووووعة
نخليكم مع الوصفة (جزائرية)
المكونات:
1- ورقة كبيرة عجينة مورقة مطبوخة مسبقا، هنا الطريقة و الحجم و الكيفية ( من المطبخ جزائري الجزائري طريقتي الخاصة في صنع الميلفاي من الألف إلى الياء (بالخطوات المصورة) )
2- كريم باتسيير استعملي نصف الكمية : نصف لتر حليب و 2 م ك نشاء ، و تستبدلي الشكلاطة ب 1 م ص زبدة ( كريم ديسير بالشكلاطة ساهل اقتصادي و بنين ياسر )
3- ميرانغ: 4 بياض بيض، 200غ سكر احرش، ملح، فانيلا: خبطي الجميع بالخلاط الكهربائي حتى تثقل كما في الصورة
فكرة : البياض كان عندي في الفريز، في الدار نستعملو الصفار عادي و نحطو البياض في الفريز في كاس او بلارة عادي كل مرة نضيف 1 بياض
و من ثم نلقى كمية كبيرة تاع بياض و ندير بيها الميرانغ
astuce عفسة صغيرة: ضعي الكل (السكر و البياض و الملح) في ايناء مدة 20 دقيقية حتى يذوب السكر مليح مع البياض لكي يطلع لك بالخف و ما يتعبش الخلاط و لا يديك تاعك
الطريقة: ضعي الكريم باتسيير على الورقة المطبوخة مسبقا ، خليه يبرد مليح ، ضعي الميرانغ و اصنعي امواج بالملعقة
ضعيها تحمر في الفرن مشعول من الأعلى
تقص و تقدم تفضلو تاكلو بالصحة و الهناء
تقرمش روعة مممممممممممممم
ملاحظة: تؤكل دافئة في يومها مقرمشة و اذا باتت ليلة راح تفقد التقرميش تاعها و لكم الاختيار في الذوق
تذكروني في الدعاء لي و للمسلمين و المسلمات جميعا
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©
رد مع اقتباس
