السلام عليكم ورحمة الله وبركاته
رايحين نرجعوا للتقليدي وهاذي المرة انا اخترت نقدم لكم الشخشوخة او المفرمسة او الفطير كما يسميه البعض على طريقتي
يللا اترككم مع الطريقة
نحتاج سميد ناعم يعني مغربل حطي الكمية اللي تحبي + ملح + قطرات خل باه يخليها متماسكة وما تتقطعش



نبلل كل شيء بالماء الدافء



نغطيها بكيس بلاستيكي يكون ملامس للعجينة ونتركها قدر المستطاع ساعة ساعتين او اكثر



ثم نعجنها بالبترا او اليدين
انا السميد نتاعي يشرب الماء درتها شوية مرخوفة وتماسكت فيما بعد



نكورها قد حبات المندرين ونغطيهم بكيس ونخليهم يرتاحوا نص ساعة



ندهن الصينية بالزيت ونقرصها من التعليم المتوسطة




ثم نبدا نكسل فيها من الوسط الى جميع الاتجاهات حتى تصبح شفافة







نحملها برفق



ونطهيها فوق طاجين الحديد على نار ضعيفة جدااا



نقلبها بحيث تكون الحواشي في الوسط باه ينشفو



وهكذا نكمل حتى ننهي جميع الكريات نحطهم فوق بعض ونغطيهم بمنديل

لاحظوا كانها اوراق ديول كلها بيضاء وشفافة



نلفها على بعضها ونقصها بالمقص شرائط



نحلهم



هاهي



عند التقديم ما تفوروهاش لانها شفافة ورقيقة تمتص البخار وتزيد تسقوها تتعجن
حطوا الكمية المراد تقديمها في صيبنية وسخنوها في الفرن
بالنسبة للمرق عادي نحتاج حبة بصل كبيرة فلفل حار حسب الرغبة +قطع دجاج +كمشة حمص + ثوم وشحم مداوي +طماطم مصبرة وهريسة
واكيد زيت ملح وتوابل



نقلي البصل والثوم والدجاج والملح والزيت والتوابل مليح ثم نضيف الطماطم والهريسة والحمص ونمرق ونغلق الكوكوت ولازم المرق يكون خاثر
بالنسبة للفلفل انا فورتوا وبعد ما طابت المرقة نحيت حق اولادي واضفت الفلفل لباقي المرق للكبار يعني

عند التقديم نحط الشخشوخة ونضع فوقها قطع الدهان ثم الدجاج والحمص والمرق وتقدم















©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©