السلام عليكم
بما انو عرسي مابقالوش بزاف قررت نتعلم وصفات جزائرية جديدة طبعا للابهار زوجي ههههه
اولا نشكر الاخت صليحة لي علمتني الوصفة (جزائرية) و المساعدتان جميلة و أنيسة لخاطر يد وحدة ما تصفق ربي يعطيهم مايتمناو
بسم الله نبداو
نحتاجو فيونداشي قليها مع زبدة و ثوم و فلفل اكحل وملح
طيبي كاس روز + زوج كيسان ماء و شوية ملح



في صحن خلطي الفيونداشي و الأرز و المعدنوس و الثوم والفلفل اكحل و كمون و بيض

خلطي الكل مع بعض

نحتاجو فلفل، حليه بالجنب (غير شويه باه مايعييكش من بعد) ونحي الزريعة على ما تقدري. اغسليه و نشفيه

أحشي الفلفل بالخلطة

اقلي الفلفل في زيت سخون من الجهتين

حطيه على ورق مطبخ جزائري باه يمتص الزيت و كي يبرد قشريه


حلي la pate feuilletée مليح و قطعيها شرائح طوال و رقاق


لفي الشرائط على العجينة جيدا ستفيهم في مول ثم ادهنيهم بالبيض من الجهتين و حطيه يطيب في الفور حتان يحمار

اغسلي الطماطم جيدا و قطعيها

ضعيها في طاوة و اضيفي المعدنوس الثوم الملح الفلفل الاسود فلفل احمر ملح ورقة رند و كمون و زوج مغارف زيت و حطيها فوق النار تطيب


كي تطيب نحي الرند و ميكسي الكل حتى تتحصلي على صوص طوماط في قمة البنة

كي تحمار العجينة المورقة من فوق نحيها


قدمي الفلفل مع الصوص تومات و شهية طيبه


ماتنساوناش بدعواتكم و تقييم للموضوع
شكرا




©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©