السلام عليكم ورحمة الله وبركاته
مساء الخير على الجميييييييع
وصفة (جزائرية) اليوم اكيد للمبتدئات
و مع حلول فصل الخريف والشتاء نستهلك الحبوب بكثرة
حبيت افيدكم بطريقتي في تحضير شربة العدس


وهاذي الوصفة (جزائرية) مهدية خصيصا للمتالقة الهام بمناسبة توفقها في مسابقة المعجنات
وهذا لعلمي ويقيني انها افضل وجبة لديها حيث لا تخلوا مائدتها من شربة العدس


بدون اطالة اترركم مع الطريقة السهلة والبسيطة
نحتاج

بصلة .سنينات ثوم .فلفل حسب الرغبة.قطعة دجاج انا متعودة نطيب العدس فقط بالرقبة او القانصة او الاجنحة للبنة ولانها ما تديش وقت في الطياب
اليوم استعملت قطعة صدر راح نقطعها قطع صغيرة





عدس ننقيه مليح





نرحي البصل والثوم ونحط الدجاج والزيت والملح والفلفل في كوكوت





نقلي حتى يذبل البصل ثم نضيف التوابل ( فلفل اسود فلفل احمر كسبر افاح ) ونكمل عملية التقلية








ثم نضيف العدس المغسول والطماطم المصبرة وكاس تاي من الماء








ونقلي برهة حتى يتشرب النكهة القوية





نمرق ونغلق الكوكوت 10 دقائق واذا كان العدس صلب ربع ساعة بالكثير





هنا لما فتحت الكوكوت بعد ما طاب
لاحظوا قشور حبات العدس انفصلت عن الحبات
كاين اللي يغسلوهم ويفسخوا العدس قبل الطياب لكن انا نقولهم بان اكبر نسبة للحديد موجود في القشر علاه نضيعها نستغلها وكي ينضج العدس ننزعها





نجي لطريقة نزع القشور سهلة وبسيطة
نضيف شوية ماء للقدر اذا كان خاثر ونغطيه بغطاء ونشعل النار





لما يغلي نرفع الغطاء نلاحظوا ان القشور تتلم في الوسط





ننزعها بسرعة بمغرف مثقوب ونعاود الكرة حتى تخلاص القشور فقط








تقدم شربة العدس حسب الذوق انا نحط لها فلفل مشوي مقطع رقيق وثوم مقطع ايضا











وبالصحة والهناء




©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©