مساء الورد والفل والياسمين للغوالي
حبيت نقدملكم طبق ساهل وبنين بزاف بزاف وعلابالي راح يعجبكم ويعجب اولادكم حتى اللي مايحبوش الارز راح يعجبهم بهاد الطريقة نخليكم مع المقادير
حضري صوص بيضاء عادي بالدجاج ولا باللحم حسب الموجود وهدا الرابط فيه شرح مفصل طريقة تحضيري

لحم مفروم حسب الرغبة انا استعملت 250 غ
كمية من الارز حسب افراد اسرتك اللي تكوني طيبتيه في ماء وملح وقطرة زيت حتى يطيب تماما قطريه وخليه يبرد مليح
زوج سنات ثوم مبروشة
ملح وفلفل اسود
كمية من الحشيشة او الدبشة ومعاها معدنوس قطعيهم مليح بالسكين تقريبا زوج ملاعق كبار
جبن طري حباة ولا نتاع الميزان
كمية من الزيتون اللي تنحيلو الملح




فرينة-خبز مرحي-بيضة-زيت للقلي


حطي اللحم المفروم النيء مع الثوم والملح والفلفل اسود والثوم والمعدنوس والدبشة وابداي زيدي الروز بالتدريج مع العجن حتى تولي كتلة متماسكة انا عيني هي ميزاني ومالازمش تزيدو الروز بكمية كبيرة لا مايتلمش



شكلي كويرات واحشيها بالتناوب مرة جبن طري ومرة حبة زيتون وعاودي كوريهم







رمدي الكويرات في الفرينة ثم في بيضة مخفوقة ثم في الخبز المرحي






اقليهم في زيت غزير على نار من التعليم المتوسطة حتى يخدو اللون الدهبي


قدميهم مع الصوص بلونش ومعدنوس مقطع وشرائح ليمون






نتمنى ينال اعجابكم وراني متاكدة رح يعجبكم دوقهم بزاف بزاف
راني نستنى رايكم وتقييماتكم وتطبيقاتكم كي العادة
في أمان الله
</B></I>




©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©