ا

السلام عليكم اخوتاتي اليوم جبتلكم طريقة روووووووووووووووووووعة تقدري اتجففي بها كامل لحشاوش اللي تحتاجيهم للطياب واللي ديما اتكوني مقلقة ويل ماتلقايهمش بهذ الطريقة مابقاش اتخممي ورايح ايكون عندك ديما لحشاوش موجودة وخضرا وتفحفح ريحتها كيلي غير ذرك اللي اقلعتيها من لجنينة


وجدي لحشاوش اللي رايح اتجففيها اغسليها ونشفيها بقطعة قماش








منبعد نحي الاوراق الصغيرة من الاغصان انتاعهاوخلي الاغصان ماترميهمشاما الاوراق حطيها في بلا تاع الفرن ايهو دخليها للفرن سخون من قبل180 درجةوخليهم حوالي 10 دقائق وحسب الفرن انتاعك الاوراق رايح اتولي مقرمشة وتتفتت بسهولة بلا ما تفقد اللون الاخضر انتاعها




فرغيها في سيار او كيما ايسميه البعض غربال رقم 2 يعني كيما هذا





,وحكي بكف ايدك فوق الحشيش بعد ماتكوني فرشتي من تحت السيار ورق جريدة او اي ورق نضيف



رايح تتحصلي علي ه>ه الاوراق الرقيقة جدا والخضراء وفي نفس الوقت جافة





iهذههي النتيجة في الاخير راهي رووووووووووووووووعة خصوصا لتتبيل اللحوم المشويةممممممممممممممممممم

والاسماك والطياب بكل انواعه وايضاللمسات الاخيرة للشربة والحساء بانواعه والريحة ماعندي مانقولكم


بالنسبة للرندنفس الطريقة في الفرن اذا كان ما زال اخضر من بعد ماشي في السيار نرحيوه فالرحاية تاع القهوة واللي ماعندهاش تهرسو في المهراس كيف زمان صدقوني رايحين تتحصلوا علي غبرة سحرية كيتعودي اتطيبي تفحفح ريحة الرند وتعبق كل البيت ممممممممممممممممممممم توصل حتي للجيرانهههههههه

ويصبح بيتك جنينة تاع الرند

بالنسبة للاغصان قلتلك ما ترميهمش قطعيهم




,وديريهم في بلارة واغلقي عليهم مليح والي الثلاجة فياي وقت اتحبي اتطيبي نحي منهم شوي وميكسيهم مع البصلة والثوم وطيبي بيهم روووووووووووووعة






kنتمني انكون افدتكم وصدقوني ان مجرد ماترميهم في شربة او ايطعام ايعودوا لحالتهم الطبيعية يعني حشيش اخضر طازج
الاغصان احفضيها في لفخيجيداغ اما الحشائش في بلارات اصغار في رفوف المطبخ جزائري اوايمكان جاف

الحشائش رايح يتقلص حجمها وتبان قليلة لهذا استعملي غير بالشوي

اريد تشجيعاتكم وردودكم واراءكم في الموضوع




©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©