السلام عليكم
جبتلكم اليوم طريقة رائعة نقلتها من منتدى اخر ربي يحفظ صاحبته
وهي عبارة عن كعك فرنسي بفكرة جديدة و يؤكل مع المالح او الحلو
المقادير
800غ فرينة
ملح
ملعقتين كبار خميرة خبز
ملعقة كبيرة سكر
60 غ زبدة
بياض بيضتين مضرب
50 سل حليب دافىء
التزيين
صفار بيض
graines de pavot
او جلجلان
التحضير
نخلط كامل النواشف مع الفرينة
نضيفلهم بياض بيضتين و نلمنها بالحليب و في الخير نضيف الزبدة الطرية و نعجنها 5 دقايق نتحصل على عجينة طرية
نخليها تخمر ساعة ونصف في مكان دافىء كي تخمر نقسمها على زوج ونشكلها حربوش ونقطعها ونشكلها اساور
نخليهم يخمرو في الصينية نص ساعة كي يخمرو نجيب كسرونة فيها ماء يغلي و ندخل الحبة في الماء و نخرجها و هذا
السر علاش جي اسفنجية ندهنها بالبيض و نزينها ندخلها طيب في فرن 180 درجة و كي طيب نشعل من الفوق لازم تحمار
مليح
[IMG][/IMG]
[IMG][/IMG]
[IMG][/IMG]
[IMG][/IMG]
[IMG][/IMG]
[IMG][/IMG]
[IMG][/IMG]
[IMG][/IMG]
[IMG][/IMG]
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©
رد مع اقتباس
