مرحبا بكم اخواتي نقدملكم اليوم نوع من الخبز مذاقه حلو يشبه الخبزالعربي من حيث الشكل فقط لكن المكونات مختلفه

اولا ناخد مقدار الغرس يكون منقي ومخدوم مليح نفرغ فوقه مقدار الماء الساخن ونخليiفتره ;نخلط باليد حتى يندمج

بعده نصفيه مليح باستعمال الملعقه نحاول نزل كل العصاره نتاعو لاحظيها اختي هدي هي الفايده نتاعو والي تمد البنه

حتىتبقى القشور الخارجيه لحبه التمر او الغرس عالقه في المصفاة فقط هذيك ارميها .بعدها فرغي باقي المكونات مرةواحده لانها مقادير مضبوطه باستعمال يديك حاولي تلمي فقط راهي تجيك عجينه دبقة جدا لاحظي اختي

غطيها وخليها تخمر 1سا بعدها خذي جزء منهاوحطيه في صينيه مرشوشه بالفرينه قرصيها سمك1.5 سم وحطيها في صينيه الفرن مسخن مسبقا ويكون شاعل من تحتا خليها 5د افتحي عليها ادهنيها بالبيض والسينوج

ورجعيها هنا شعلى من فوق فقط وخليها حتى تطلع مليح وتتحمر

لاحطي كيفاش منفوخه ومحمرة اممم

هنا عندك الخيار احشيها بواش تحبي لازم يكون حلو انا درت معجون وعلى السطح كذلك
شوفو كيفاش من داخل هشيش

تقدري بنفس العجينه ديري لي بينيي تقليهم في الزيت بعدها تحشيهم بالمعجون

عندو كذلك طريقهاخرى للطياب تاخدى برمه بالمغطي نتاعها تحطي القرصه فوق المغطي وتلصقيها عليها بالماءشويه فقط وتخليها على الطابونه فوق البرمه نتاعها بنفس الطريقه وتدهنيها بالبيض تم تقلبي المغطى لداخل البرمه وبفعل الحراره العليه راح تتنفخ الفرق بيناتهم مذاق احلى لكنها متعبه وتخسر البرمه استعملو هدى الطريقه اسهل وبنينه كذلك
في الاخير دعوه صغيره بحفظ اولادى وزوجي سلام اخواتي




©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©