مساء الخير عليكم يا لحراير اليوم درتلهم بيتزا سامبل واكيد اكيد بنينة هههههههه راني نشكر في روحي


العجينة درت الفرينة قيس 3 قرصات وشوي ملح وخميرة وشوي سكر وشوي زيت مانخدمش بالقيس كيما يقولو عينك ميزانك ولميتهم بالما السخون ماعجنتهاش خلاص مجرد لميتها وحطيتها تخمر كي خمرت قرصتها بشوي فرينة وزدت خليت هادوك القرصات يخمرو



ومبعد خبزتهم فالبلا


كي يزيدو يطلعو شوي نحط شوي زيت تاع الساردين باه يعطيه بنة مليحة ونثقبهم بيان باه مايتنفخوش





ولاصوص نسيت ماصورتوش حطيت شوي فلفل يتقلي فالزيت والملح وفرغت فوقو كمية كبيرة من الطماطم المرحية وخليتهم يغلو بيان كي يطيب الطماطم نزيد الطماطم تاع لابوات ونزيد شوي زيتونات يعطيو طعمة مليح للاصوص وشوي فرماج ونخليه يطيب ونحط لاصوص فوق الخبزة وطبعا زيني بواه تحبي


انا فالتزيين استعملت شرائح الطاطم وحلقات الفلف والزيتون مقطع والساردين والبيض والفرماج






وهاهي فالكوشة ههههههه











واخيرا درك نستنى آراؤكم عجبتكم ولا لالا ؟؟؟؟؟؟؟؟؟؟؟؟؟؟؟؟؟؟؟




©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©