فيه بعض الاخوات كانو يحوسو على وصفة (جزائرية) المردود او البركوكس اليوم راني جبتهالكم
ملاحظة فقط المردود رقيق شويا على البركوكس و يتفور كيما الطعام 3 مرات اما البركوكس غليظ شوي بعد ما يفور يترمى مع المرقة يطبخ جزائري
المقادير
قديد او لحم مشرح مفصل او اي نوع لحم
حمص مشمخ + عدس+ فول يابس
خضر مقطعة مربعات بصل +جزر+لفت+بطاطا+كابويا
قصبر +ثوم+البهارات + طماطم مصبرة

الطريقة
نضع اللحم و الزيت و البصل في الكوكوت على النار نقليهم و نضيفليهم الملح + الفلفل الاسود + راس الحانوت + ملعقة طماطم و نمرق بحوالي 2 لتر ماء نرمي الحبوب و نتركها طيب شويا تعرفو هي تاخذ الوقت اكثر من الخضر ثم نرمي الجزر و اللفت و البطاطا نخليهم يطيبو

من جهة اخرى نغسلو المردود كي يشرب شوي نفوروه و نعاودوه المرة الاولى بالماء ثم يفور مرة ثانية و نعاودوه بالملح و الماء ثم الفورة الثالثة يوجد فيها نديرولو شوي دهان نتاع عرب


و نرجعو للمرقة نرميو الكابوية معاها الثوم محكوك + الكمون + القصبر و اللي يحب لحرور يدير

و نخلوها تعقد و تتجمر و نسقيو المردود .... و شهية طيبة

بالنسبة للي يحبوه بالكفتة يقومو اللحم المطحون مليح و يعملوه كويرات صغار نرمدوهم في الفرينة و نحمروهم في شوي زيت و نرميهم في المرقة في العشر دقائق الاخيرة و بالهنا و الشفا






©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©