السلام عليكم
اليوم راني جبتلكم وصفة (جزائرية) جديدة من اختراعي نشاله تعجبكم
العجينة :
7 مغارف فرينة
3مغارف زيت
مغرفة صغيرة خميرة حلوى
نخلط الكل بالحيب حتى نتحصل على عجينة طرية
نحطها في الثلاجة ونحضر الحشو
الحشو:
حبة شفلور صغيرة شوية نغليها مليح مع شوية ملح
حبة بصل نفرمها صغيرة نحطها تتقلى ولما يتغير لونها نضيفلها شوية لحم مرحي قيمة 30 ألف.نضيف الملح والفلفل ونكملها طياب ومبعد نضيف عيها الشفلور ونكل نحرك حتى تبدا تلصق والشفلور يترحى مره نضبف عليها المعدنوس ونكمل طيابها حتى تتمزج المكونات مليح.
نجيب العجينة نحلها ونحطها في البلاطو بعد مادهنتوا بالزبدة
نجيب الحشو نضيفلوا 2 بيضات ونخلط ونصبوا فوق العجينة
نستويها مليح.الجبن اختياري
نحطها طيب
والله غير جات روعة متحسيش كامل بدوق الشفلور خاصة الي ميحبوهش .نشاله جربوها وتدعيولي بالخير
راح نصورها المرة الجاية ونعتهالكم




©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©