السلام عليكم اخوتي
اليوم حبيت نمدلكم هاد الوصفة (جزائرية) و درت خصوصا للاولاد باش نبعدوهم شوية على الشيبس تاع برا عوضوهم بهاد المقبلات جزائرية راهي صحية و بنينة
المقادير بسيطة
4 حبات بطاطا نغليهم مع شوية ملح
2 حبات فرماج مثلثات
فلفل . ملح . شوية هريسة .و ايلا تحبي التوابل ضيفي كيما تحبي
حبة بيض
مغرف زبدة
بعدما اطيب البطاطا نرحيها ب فرشيطة او اداة البطاطا اليدوية ثم نضيفلها باقي المقادير و نخلط مليح ثم نكسر حبة بيض و نخلط بعدها نوجد الصينية تاعنا وندير الخليط في جيب حلواني و نصنع ازهار تحبي تصغريهم تحبي تكبريهم انا دراتهم نص نص و دخليهم للفرن و خليهم يطيبو على نار من التعليم المتوسطة
كي تخرجيهم من الفرن خليهم يبردوا شوية و نحيهم لانهم يكونوا شوية طريين من السخانة
و لازم تاكلوهم سخونين مالازمش ينتكلو باردين
و نتركم مع الصور







و شهية طيبة
سلاااام






©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©