المقادير:

* Pâte feuilletée الرابط:http://www.dzbatna.info/vb/showthread.php?t=1139551
*الحشو حسب الرغبة (لاصوص /سلق/تشكشوكة )كل واحد واش يحب
*pour la dorure :حبة بيض+2ملاعق كبار زيت+قرصة ملح(باش تطليو بيها )

طريقة التشكيل :

1
حلي العجينة علا حساب السنيوا حلي 2 طراف الاول لي جي من فوق و التاني لي جي من تحت وجديهم في زوج قبل ماتبداي ديري في الحشو من بعد ماتكفيكش العجينة و تتغنجق من بعد حطيهم بجيه

2
شمخي السنيوا

3
حطي الطرف الاول

4ديري الحشو لي تحبي انا درت تشكشوكة العاية بلا ما تقيسي الطراف خلي شوية فراغ

5اطلي الاطراف ب la dorure


6حطي الطرف التاني (غطيها)



7قطي الطراف لي زايدة


8اغلقي كل الجوانب بالفرشيطة


9من بعد موريها بالموس يكون بالمقلوب مايلزمش تنثقب باش حي شابةالله الله


10اطليها بالبيض (la dorure)و اثقبيها شوية من فوق بالفرشيطة نسيت ماصورتهاش اسمحولي

11 دخليها الطيب
12 ا هنا حلو عينيكم مليح
كاين بزاف لي يقولولي جاتني شابة من برا و من الدخل معجنة الحل هو:
قبل مادخليها للكوشة يلزم تكون شاعلة15 دقيقة من قبل في نار قاوية ok كي دخليها طيب منين داك طلي عليها كي تشوفيها بدات تنتفخ نقصي للنار ديريها قليلة في الربع و خليوها طيب في غردها حتى تتحمر


شوفو النتيجة جي كي المخدة بصح كي تقطعوها تنفش نوغمال هههههههه

خاطرش الاكثارية يخليوها في نار قاوية طيب من برا و من الداخل جي معجنة ان شاء الله تكونو فهمتو لي مافهمتش تقولي
جربوها و ردولي الخبر ....................شهية طيبة

هادي خاصة للاخت فوزية1975 هي لي طلبت الوصفة (جزائرية)
















©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©