اليوم عزيزاتي قلت نعمل حاجة خفيفة للعشاء بما أنه بقاتلي جلبانة تاع النهار ... واش نعمل واش نعمل واش نعمل ؟؟؟؟
جبت سميد فرينة خميرة الخبز ملح شوية زيت بيضة وعجنتهم بماء دافي وخليت قوام العجينة كما البغرير الغرايف عندنا ( وراهي نفسها وصفة (جزائرية) الغرايف) خليتها تخمر
من جهة حضرت بصل مفروم + ثوم + ملح +زيت حطيتهم يتقلاو واضفت لهم كمية لحم مرحي + طماطم مصبرة
هريسة وعلى نار هادية حتى طابو
العجينة راهي تخمرت دهنت المقلاة بزبدة وحطيتها على النار وحطيت مغرف من العجين



ولما نشفت قلبتها



حتى خلصت كامل العجينة

نعاود نحط كل حبة في المقلة ونكسر عليها بيضة



ونمررها عليها كامل



نقلبها حتى تنضج البيضة نحيها من المقلاة



نحط الحشوة الي عملتها باللحم المرحي على جنب



ونلفها والنتيجة



سهلة واقتصادية وبنينة

والفكرة استلهمتها ولا الأصح سرقتها من هذا الفيديو

http://www.youtube.com/watch?v=oOAB_rXnuH0






©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©