هذه طريقتي في استغلال الخبز المتبقي احيانا



اقول احياااااااااااااااااااانا لانو راح يكون مقلي يعني زيوت يعني كولسترول

يعني سمنة و بدانة

المهم الطبخ جزائرية لذيذة و راح يحبها الاطفال



هي اسمها بالمادة الفرنسية PAIN PERDU

كل اللي راح تحتاجيه



خبز البارح مقطع شرائح .....ونصيحتي تقطعيه بسكين عندو اسنان حتى تكون عملية التقطيع اسهل















غرفية فيها شوية حليب

غرفية فيها بيض مخفوق



تيجي الان بخفة مدة ثواني تغمسي الخبز في الحليب شوية فقط.. ماتخليهش يتشرب

ثم تمرريها في البيض



ثم الى المقلاة



تحمريها من الجهتين على نار ليست هادئة لانو راح يتشرب الزيت

انا اقليه على نار عالية شوية

ثم تحطيه على ورق الماص



و تكوني مجهزى صحن صغير فيه سكر عادي

و تقلبي فيه الخبز عالجهتين



وصح و هنا على قلبك



حبيباتي شفتو وش ساهلة....جربوها راح تعجبكم





©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©