بسم الله الرحمن الرحيم
ان الحمدلله نحمده ونستعينه ونستغفرة ونعوذ بالله من شرور انفسنا ومن سيئات اعمالنا من يهده الله فهو المهتد ومن يضلل فلن تجد له وليا مرشدا

كنت نزلت موضوع بخصوص انى هعمل دورة صغيرة عن ارشفة indexation موقعك
دروس مفيدة خاصة بارشفة indexation موقعك :: موضوع متعدد الحلقات ::
وكتبت رد فيه الشرح طريقة بس قلت ممكن محدش يقرا الردود ويلاحظ الدرس مفصل الاول علشان كدا فتحت الموضوع دا وكتبتو فيه
وان كنت استحق تقييمك فلا مانع

اول حاجه انهرده ان شاء الله من سلسلة الدروس هتكون عن التالى .
1 - ارشفة indexation الرئيسية بتعتك

اول حاجه هترفع واجهه ليك
يعني بلاش موضوع التحويل بتاع من الرئيسية للمنتدي لان دا بيخلي في تقل في الارشفة indexation شوية
اتفقنا هترفع واجهه
طيب الواجهه اللى هنرفعها دي مواصفاتها ايه
1 - اخطائها تكون قليلة ( اقل من 100 خطأ )
تقدر تعرف اخطاء الرئيسية بتعتك من خلال الرابط دا
http://validator.w3.org/


طبعا الصورة بتوضح ازاى تعمل فحص للرئيسية
قدام كلمة address رابط الرئيسية بتعتك
مثال : http://www.#######.com
استبدل ####### باسم موقعك

طيب يا عم لو الواجهه عندي عجباني واخطائها كتير اعمل ايه
اول حاجه انت هتعمل الفحص دا وتسيبو هيظهرلك مثلا اخطاء زي كدا


الخطأ هتلاقية تحتو خط احمر صغير زي اللى في المثال بس في حاجه مهمه
الخطأ الموجود في المثال دا اوعي تحذفو من عندك لان دا مهم لصفحة الاندكس بتعتك انا بتكلم عن الاخطاء اللى بعد كدا
طيب عرفنا نجيب الاخطاء نصلحها ازاى
بتفتح صفحة الاندكس بتعتك بمحرر Notepad وبتنسخ الكلمة اللى فيها الخطأ كلو وتعمل بحث عنها وتشيل الرمز الخطأ
يعني بكتب في البحث مثلا &quot; <HTML> &quot; بيجبهالى وبعد كدا بحذف &quot; > &quot;
اكرر محدش يحذف اي حاجه من وسم <HTML> في بداية صفحتك او نهايتها

طيب يا عم عملنا الاخطاء وكلو تمام
ندخل على تانى حاجه

2 -
روابط محتويات موقعك الافضل انها تكون من خلال نصوص
ازاى
مثال : http://www.arab7lm.com
روابط موقعي على نص مش على صورة


طيب يا عم انا عجبانى الواجهه بتعتي ومش عايز اغيرها والروابط اللى فيها على صور مش نصوص زي اللى عندك
مفيش مشكلة
ادخل على الفرونت بيج واعمل محتويات موقعك كلها
مثال


بعد ما تعمل نصوص محتويات موقعك كلها تروح بالفرونت بيج وتحطها في اخر الصفحة

3 - الميتا تاج بتعتك
ايه هيا الميتا تاج الاول دي
الميتا تاج دا وصف الموقع اللى بيظهر تحت اسم موقعك في جوجل GOOGLE وهو مهم ومنو بتوضح نشاط موقعك باختصار





المثال طبعا مبينها
طيب هنعمل ايه
هنختار كلمات مناسبة لموقعك ومحتواة يعني لو موقعكمختص بالبرامج تكتب اجدد البرامج العربي واقواها
دا على سبيل المثال
وخلي بالكم
محدش يكتب كلمات مفتاحية زي &quot; الحلم العربي - منتدي الحلم العربي - العاب - برامج &quot; دا كلو ملوش لازمة لانها كلمات مفتاحية وبتختلف عن الميتا تاج
اتفقنا
طيب يا عم اتفقنا بس نحط الميتا تاج دي ازاى في الرئيسية
افتح الاندكس بتاع الواجهه بتعتك بمحرر Notepad واعمل بحث عن <meta name=&quot;description&quot; content=&quot; &quot;
وبيه علامتين &quot; &quot; تكتب الميتا تاج بتعتك وتعمل حفظ

4 - الكييووردز
معناها :- الكلمات المفتاحية اللى من خلالها ممكن الزوار يوصلولك وبيكون منها اسم موقعك
كلنا بنشوف مثلا بندخل على جوجل GOOGLE ونكتب العاب او برامج او اي كلمة تانية وبعد كدا بيجبلنا النتايج
النتايج دي بتكون على اساس قوة الموقع او اهتمام الموقع بانو يحصل على الكلمة المفتاحية او بيج رانك الصفحة الى فيها الكلمة دي في الموقع قوية
طيب نكتب الكلمات الدليلة بتعتنا ازاى
اول حاجه بلاش تكتر قوي فيها الكترة ملهاش لازمة اختار اكتر حاجه مناسبة ليك وممكن تعمل دا من خلال السكربتات اللى عندك يعني مثلا مركب دليل مواقع وسكربت العاب
حط في الكلمات الدليل &quot; دليل , العاب &quot; وهكذا
يعني الكلمات الدليلة بتاعة الواجهه خليها من محتوي الموقع مش محتوي المنتدي
الكلمات الدليلة الخاصة بالمنتدي غير الخاصة بالموقع كلو
طيب عرفنا بس نركبها ازاى على الواجههه
افتح الاندكس بتاع الواجهه بتعتك بمحرر Notepad واعمل بحث عن <meta name=&quot;keywords&quot; content=&quot; &quot;
وبيه علامتين &quot; &quot; تكتب الكييوردز بتعتك وتعمل حفظ


5 - ملف robots
دا عبارة عن ملف بامتداد txt بترفعو من خلال Ftp على /public_html/ فقط
يعني مترفعوش تانى جوا مجلد المنتدي لان كل شغلو هيكون من الررئيسية بتعتك
طيب ايه عمل الملف دا
الملف دا من خلال تقدر تحدد ايه الاماكن اللى محركات البحث متارشفهاش
دا المعني باختصار
طيب احنا مركبين واحد عندنا يا عم ومش عارفين دا كويس ولا لا
انا مقدرش اقول ملفك كويس او لا لانى مش خبير في ملفات الروبوتس لكن كل اللى اقدر اقولو ان ملف ديزاد باتنة مناسب جدا لاى موقع لانو ببساطة بيمنع محركات البحث من ارشفة indexation ملفات كلها موجودة عندنا زي مثلا cgi-bin او images
معني كدا ان الملف دا مقتصر على المجلدين دول
لكن انت ممكن تذود زي ما انت عايز
بتفتح الملف دا هتلاقي شكلو كدا

رمز PHP:
<code style="white-space:nowrap"> <code> ##############################
# Added By Abu Sarah #
# September 12, 2014 #
##############################


##############################
# Google
##############################
User-agent: googlebot
Disallow: /cgi-bin/
Disallow: /images/

##############################
# MSN
##############################
User-agent: MSNBOT
Disallow: /cgi-bin/
Disallow: /images/

##############################
# MSN2
##############################
User-agent: msnbot-media/1.0
Disallow: /cgi-bin/
Disallow: /images/

##############################
# ALEXA
##############################
User-agent: alexa_site_report
Disallow: /cgi-bin/
Disallow: /images/

##############################
# YAHOO
##############################
User-agent: slurp
Disallow: /cgi-bin/
Disallow: /images/

##############################
# BAN OTHERS
##############################
User-agent: *
Disallow: /
</code> </code>

اول سطرين دول حقوق الشخص اللى صمم الملف


محرك بحث جوجل GOOGLEGoogle
##############################
User-agent: googlebot اسم عناكب جوجل GOOGLE
Disallow: /cgi-bin/ ملف ممنوع من الارشفة indexation
Disallow: /images/ ملف ممنوع من الارشفة indexation

انت كمان ممكن تذود على دا
بتضغط انتر وبتكتب Disallow: /@@@@@/

مكان @@@@ بتكتب الملفات اللى مش عايزها تتأرشف

ملف الروبوت موجود بالمرفقات للي يحب يستخدمو


6 - الادلة
اهتم بانك تضيف موقعك في ادلة مواقع كتير
بس الفرق ايه
انك تضيف رئيسية موقعك ومتقلش انها لو اخدت رانك كدا كدا محدش هيعمل تبادل معاها علشان صفحة وحده
احب اصحح الخطأ دا
تقسيمة جوجل GOOGLE بتيجي لما رئيسية موقعك تكون مهمه
دا غير ان الرئيسية بتعتك لو رانكها عالي دا بينعكس على باقي محتويات موقعك
وصدقوني والله يا جماعه الكلام دا عن تجربة
انا بقيت اضيف الرئيسية بتعتي في ادلة مواقع
وشوفو النتجية كانت ايه مع البيج رانك
1- الحلم العربي بيج رانك 2
2- المنتدي بيج رانك 1
3- الدليل بيج رانك 1
4- القران بيج رانك 1
5- التدخين بيج رانك 1
6- اتحاد الادلة بيج رانك 2
7- الالعاب بيج رانك 1

انا مكنتش بضيف في الادلة غير الواجهه واتحاد الادلة بس لكن اتفجئت في التحديث update باللي قلتو دا في باقي الروابط

الحمدلله
اول جزء معانا خلص
1 - ارشفة indexation الرئيسية بتعتك

اتمني انى مكنش تقيل عليكم ومعلش الكلام كتير لانى حاولت بقدر الامكان انى اشرح طريقة اقل حاجه لان مهما كانت المعلومة صغيرة لكن فعلا مفيدة
&quot; الحريق الهائل نتيج شرارة &quot;

اي اسئلة انا تحت امركم وان شاء الله بيتم الرد على الجميع

الدرس مفصل التانى ان شاء الله بعد يومين او تلاتة وهيكون طويل شوية لاننا هنتكلم عن ارشفة indexation المنتدي ودي كبيرة شوية

يشهد الله انى لا اسامح من يقوم بنقل الموضوع بدون ذكر المصدر
رابط الموضوع الاصلي : الحلم العربي

اتمني انى اكون وفقت فيما قدمت
فلا تنسونا من دعائكم ولكم مني اطيب الدعوات بالتوفيق والنجاح



سبحانك اللهم وبحمدك اشهد ان لا اله الا انت استغفرك واتوب اليك
بسم الله الرحمن الرحيم
والعصر ان الانسان لفي خسر الا اللذين امنوا وعملوا الصالحات وتواصوا بالحق وتواصوا بالصبر .
صدق الله العظيم





©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©