ضاقت بي الدنيا

السلام عليكم
انا يديده ف المنتدى وأنا مب من النوع الي أشارك ف منتديات
بس اكتب في قوقل الي أريده وهو يطلع لي

بس كذا مره دخلت المنتدى ف مواضيع الجمال والعناية


المهم اريد أقولكم مشكلتي


متزوجه من سنتين ونص وعندي طفلين
ساكنه ف بيت هل زوجي ف غرفه صغيره مع حمام
اول ما تزوجت عشت مع زوجي ف الغربه حدود 7شهور بحكم دراسته
كانت حياتنا حلوه وايد ومبسوطين سينما ومولات وحدائق
وبعد مارجعنا تفكك كل شي



ويالله بدت المشاكل

زوجي إذا زعل خلاص مايكلمني بالأسبوع نهايه العالم يصير عندنا
اول كنت ورآه ورآه لين أراضيه لكن اتعب مايرضى أبد وعنيد
ف خلاص قمت اطنشه لين مانشبع من التطنيش ونرد لبعض
لكن هل لفتره زعله سخيف وماله داعي تخيلوا رمضان كله يمكن بس 6ايام مرت ونحن أوكي ونتكلم بعض ولا الشهر كله زعلان ومبوز

احس هل لفتره مالي خلق حقه ولا ابا أراضيه ولا ابا أسوي اي شي حقه
ما يهمني وفي نفس الوقت أحسه هو بعد ماله خلق حقي يعني ف تنافر
من بيينا

وفي نفس الوقت اوسوس أقول عين صابتني ويوم أقراء أعراض العين احسن نفس الأعراض فيني بس مب كلها

ماعرف منو اكلم ولا اريد أكلم أهلي عشان مايفكر ون فيني ويحزنون


احس بضيقه ف صدري

أدعو لي الله يخليكم



ف مواضيع وأيده ابا أتكلم فيها بس احس روحي مؤ قادره اكتب


موضوع حصري لمنتديات شباب باتنة