ممكن كل المتزوجين يساعدونى ويكسبو فيا ثواب ممكن يكون موضوعى غريب شويه

بصو يا بنات انا متدلعه شويه عندى 19 سنه وانا مخطوبه وهتجوز بعد سنتين انشاء الله وبحب خطيبى جداااا جدااا جدااا الحمدلله وعايزة اسعده ديما
ديما الخناق بتاعنا انه عايزنى اتعلم اطبخ واعمل شغل البيت واكون بعرف اتصرف فى اى موقف بس انا ابيض فى كل حاجه ممكن عشان الاخيرة بين اخواتى واخر العنقود بقى دنا حتى معرفش لما اجهز شقتى هبدأ منين واجيب ايه واعمل ايه وعايزة اعرف اتصرف مع الناس زى مهو عايز بس مش عارفه ازاى يعنى
انا عايزة اتجوزة انهارده قبل بكرة بس فى نفس الوقت خايفه ومش عايزة الوقت يعدى
وبعدين خايفه من كتر اللى بسمعه عن الحماوات واللى بيعملوة وكده وهو متعلف بمامته جدا
ممكن اللى مخوفنى اللى بسمعه من الناس وبردو من دلوقتى وانا خايفه لما اتخيل انى فى يوم من الايام هكون معاه ف بيت واحد بترعب اول مفكر فى كده بخاااف منه اوووى ممكن بردو عشان اللى بسمعه من الناس
وعايزة اعرف ازاى اكون مسئوله عن بيت وعن واحد بعمله كل حاجه


بصو من الاخر كده عايزة اتعلم كل حاجه كل حاجه كل حاجه من الابرة للصاروووووخ
والبدايه تكون ازاى يعنى لسه سنتين ابدأ من دلوقتى وحده وحده اتعلم ايه
وازاى اشيل من دماغى كلام الناس من كل حاجه

انا بجد عايزة اكون صالحه وخطيبى بعد كده يكون مبسوط منى ومكنش انا سبب اى مشكله وعايزاة يكون سعيد فى بيته وعايزة اكون بعرف كل حاجه واكون شاطرة فى كل حاجه

معلش طولت عليكو بس بليز اللى يقدر ينصحنى بليز ميبخلش عليا بالنصيحه
هستنى الردود بتاعتكو



موضوع حصري لمنتديات شباب باتنة