!!!...يلا تعالا نلعب عريس وعروسة...!!!


السلام عليكم ورحمة الله وبركاته

عايزة اتكلم عن موضوع .....

الليالى الرومانسية....

...هوس الليالي الرومانسية...


ايه بقى حكايه الليالي الرومانسية دي ...!!!.......................

انا كنت دايما وكتيرأقرأ عنها واشوف البنات بيعملوا حاجات جميلة اوي اوي وكتييييرة وحركات ....
ودي بتعملها كل اسبوع ....ودي كل 3 ايام ....ودي كل شهر والموضوع كبير كبير يعني..
.وبقيت اعمل كوبي وبيست عندي علي الكمبيوتر عشان لما اتجوز اعمل زيهم ...
بس كنت كل ما بفكر فيها الاقيها محرجه بالنسبة ليا اوي... يا كسوووووفى... ومكلفه ومحتاجه تخطيط وجهد وطلبات ونزول مخصوص... ومع شغل البيت واهتمامي بنفسي اللي محتاج ميزانيه ووقت وجهد كبير لوحده ....الواحده تلحق تعمل كل ده امتي وازاي...

ومع الوقت قلت هي فعلا حاجه جميلة اوي بالنسبة لينا كبنات وجو لطيف بس يا تري الراجل اللي انتي بتعمليها عشانه وعشان تسمعي اجمل كلام وتشوفي احلي رد فعل منه بيشوف الموضوع دة ازاااااي.....
هقولك على حاجة...
...تخيلي...
................................
تخيلي ان انتي الزوج ...
وزوجتك عاملالك جو غابات استوائية ..ومفرش اخضر.... وملاية خضرا ..... وحاطة ورق شجر وحشائش سافانا في البيت كله .....وورد في كل مكان ....ومشغله اصوات قرود وعصافير ..
وكمان حاطة شجرة كبيرة صناعيه وناقص تحط عليها موز وبرتقال ....ودبدوبات علي السرير بيحبوا ف قصة حب ..وشموع تملي الجو ثاني اكسيد الكربون ....
وفى الجو دة كله والحركات دي...وانتى مستنية طرزان ييجي وينبهر وينسجم ويبدع ....
وفى الاخر تلاقي ريااااح غاضبه تيجي تشيلها بالليله كلها هههههههههه!!!


حاجة فيري فيري فاني بصراحه....
طب ده حتي انتي هتتعبي وتفضلى تلمي كل اللي عملتيه ورقة ورقه موزة موزة الخ الخ ....لوحدك بعد ما تخلصي كأنك كنتي في مسرحيه ...وكل واحد قام بدوره وبعدين بتشيلي بقى كل التجهيزات والمعدات...
... وكل ما تقراي حاجه علي النت تروحي تشتري حاجات وتتركن فى الاخر .....

طيب تخيلي انك راجل.... ومراتك عاملالك شجرة كريسماس في الشقه كلها زينة ونجوم وقلوب ... وشرائط ملونه ودباديب ولابسه بابا نويل وعامله جو ثلوج وماليه الحجرة بلووونات وقطن وكأنه يعني تلج هههههههههه.... وملاية حمراء ومفرش احمر اساسي طبعا.... وعصير احمر.... والروب الاحمر والشراب الاحمر و ال.......ههههههههه ...
وجايبة 30 متر بايبي لايت ملون احمر واخضر واصفر وازرق وحاطاه في الاوده ينور ويطفي بكل الالوان لحد ما تبقوا مش شايفين حاجه .....لا وكمان تلفى نفسك في ورق هدايا لحد ما تتخنقي وتتجبسي كانك مومياء هههههههه ...حاجه توتر الاعصاب اساسا وتحسس الراجل انك مصطنعة وفاتحه محل لعب اطفال ههههههههه......


سؤال بقى .......فين التلقائية وايه الاثارة والاغراء في كده...!!!


ده انتي حتي هتبقي موش قادرة خالص


عن نفسي لو انا راجل ....هحاول اني امشي معاها في القصه واعمل نفسي مستمتع بالجو ده لكن من جوايا هحس اني قاعد العب لعبة...عريس وعروسه هههههههههه وان احنا طفل وطفله صغنونين موش راجل وانثي..
.وهحس انها بتحاول تثيرني بحاجات عمرها ما جت ولا هتيجي في بالي اصلا ولا انا هتخيلها في الجو ده...صح ولا ايه...؟؟؟؟


مع العلم ان انا رومانسيه جدا جدا جدا ... لكن رومانسيتي بدور عليها في الراجل نفسه ف افعاله وكلامه معايا موش في المؤثرات والاجواء اللي حواليا ...
وايضا رومانسيتي تبان من كلامي وافعالي ناحيته ...ده بالنسبه ليا طبعا.

يا بنات الراجل لما بيتخيل الانثي في خياله بتكون صورتها هي وبس... بشكلها... والبرفيوم بتاعها.... وحركاتها ...وصوتها ...وملمسها و و و...مش بيعمل مشهد كامل ويفكر المكان اللي هما فيه شكله ايه وفيه بلونات ولا لاء ولا بيفكر فى الاصوات والاضواء اللي هتكون حواليهم عامله ازاي...
ممكن تقوليلى انتي بقى بتعملي كل الهيصة دي ليه ؟؟؟
بدل ما تصرفي علي كل ده هاتي لانجيري جديد او ماكياج او كريمات ليكي او اعملي باديكير ومنيكير او اعملي شعرك لوك جديد ودلعي نفسك وضيفي لمساتك الرقيقه علي المكان اللي هتكونوا فيه وتبقي جميييييلة ومووووززة في عيون زوجك حبيبك.



وعلي فكرة ممكن الراجل يتخيل الانثي ف جو معين... بس بيكون فى حاجه يومية او طبيعيه هي بتعملها عادي...ليه...!!!

عشان بتيجي من غير ترتيب وتلقائية وبتكوني مشغوله ومش واخده بالك فبتكوني مثيرة...اقوللكم زي مثلا وهي واقفه فى المطبخ وبتطبخ وهو ييجي يعاكسها ويشاغلها وبعدين.......



وبعدين الليالي الرومانسيه المليانه تجهيزات وترتيبات كتير دي بتخلي الراجل يقلق او يفتكر انك عاوزة حاجه وليكي مصلحة شخصيه هههههههه ...او يبقي حاسس بمسئوليه وواجب عليه انه لازم يعمل مجهود كبير عشان يثبت جدارة...

وانه لازم يفضل يشكرك ويقول والله ده جميل اوي يا حبيبتي ده عشاني ياااه انتي تعبتي نفسك خالص وايه يا حبي الحركات دي كلها ..لا.. ده انا لازم اجيبلك هديه وافسحك وازود مصروفك ههههههههه...
ده حلمك طبعا...
بس تقريبا هيرد عليكى بكلمتين مجاملة عشان ما يكسر بخاطرك ... وده الاغلب...
انتي هتسأليه ايه رايك يا بايبي...هيقوللك جميل يا حبيبتي... طبعا اجابه مش مرضيه...
تقولي ف بالك الراجل ده بيعمل كدة ليه ...
تساليه تاني جميل بس يا حبيبي...هيقوللك حلو اللي انتي عاملاه بس مكنش له لازمة كل ده..
.هتبتدي تتنرفزي بس بابتسامة وبرود هتساليه...يعني بعد ما تعبت وعملت كل الحاجات دي عشانك تقولي ملهاش لازمة...
هيقولك ما انا المهم عندي انتي مش مهم كل ده وتكلفه بس جميل يا حبيبتي ...وممكن يرد يقوللك خلينا علي طبيعتنا احسن...وانتي طبعا متنرفزة ...
ههههههههههه...ساعتها انتي هتبقي عاوزة تخنقيه غضبانة جدا وهتزعلي وتقوليله انت ما بتقدر تعبى وانا بعمل وبعمل وبسوي مفيش احساس وانت وانت

ولا الراجل يقول فى عقل باله هي ناقصة طفولة دي ولا ايه...وممكن من اللخبطة والاستغراب بجو الملاهي اللي انتي عاملاه ده يتنرفز او يكون راجع تعبان جدا ومفيش قدرة انه يعمل حاجه انهاردة ... هيكون رد فعله انه يسمعك كلام رخم او يتريق مثلا او يصدك وقليل من الرجال اللي بيستجيب للحاجات دي بس موش علي طول كمان ... لانها من الاخر لا تهمه ولا تلزمه ولا بتفرق معاه... هو المهم عنده الانثي نفسها فانتي ركزي علي نفسك لان انتي الحلويات يا حلوة و الله لو انتي شايفة كده ماشي وسيبك من المؤثرات الخارجيه لانها بسيطة وموش هتزودك ف حاجه وانتي موش محتاجه كل التكاليف والتجهيزات دي انتي الاهم... ليه تتعبي نفسك اوي ف حاجه موش جايبه همها ههههههههه ......

يعني بجد ما احلي الحاجه دي لما تيجي كده من غير اي تخطيط وترتيب مسبق ...لان الترتيب المسبق ما له طعم ولا حلاوة وكانها لعبه...مش بقول انك متعمليش رومانتيك نايتس ...لا...ممكن تعملي بس حاجات لطيفه بسيطه لا تتعبك ولا تكلفك ولا تجيبلك الكلام... مثلا شغلي ميوزيك هادئة او في الشتا دفي الجو من قبلها وعطري المكان كده واساسي طبعا البيت مملكتك يكون مرتب ونضيف واكل جميل ولذيذ ...لكن اكتر من كده لا....
ولو عيد ميلاده مثلا او ترقيه ممكن يكون في احتفال وسهرة رومانسيه تحسسه بحلاوة المناسبة وتسيب ذكري جميلة ...وطبعا تكوني مختارة المكان المناسب والوقت المناسب... لكن مش علي طول ف كل برايفيت تايم هتعملي بارتي اطفال ههههههههه حضانه هي ولا ايه.؟؟؟؟


وبردو يا بنات كل واحده وهي ادري بزوجها وهل بيتقبل الرومانتيك نايتس دي ولا لاء وهل ممكن يحرجها ولا جنتل مان...فانا طبعا بتكلم عن رايي...والاختلاف في الراي لا يفسد للمززز قضية ههههههههه ولا ايه...!!!


وكل واحده تجربلها بردو مرة مرتين وتشوف...

وانا رايي ان البلونات والزمامير والالعاب والالوانات والاضواء نخليها لبارتي بنات وبس عشان احنا البنات الطف واطعم واحلي الكائنات ..مبسوطة بنقدر الحاجات دي وبتفرق معانا اوي ... نهيص سوا ونغير جو من غير نكد هههههههه.


وفي الاول والاخر...



...لا يكلف الله نفسا الا وسعها...



كل انسان وطاقته.


وياريت كل واحدة تقوللنا رايها في الكلام ده و يا تري زوجها ايه رايه في الرومانتيك نايتس...!!!


ولو عندك تجارب لليالى رومانسية احكيلنا عليها..بمواقفها وطرائفها

دمتم بسعاااادة


موضوع حصري لمنتديات شباب باتنة