خطيبي..

السلام عليكم ورحمة الله وبركاته
كيفكم..
عندي مشكله تعبنه منها بتمنى النصيحه والافاده.
انا ماقبل خطبتتي كان ابن الجيران دائما بطلع فيني وانا رايحه وجايه من الجامعه وجايه وكان بعرف بابا امنيح بس ماكان في بينى اي صله او علاقه حب او حتى اقل مايكون من الكلام بعد سنه تقريبا اتقدم الي شخص وكان سيرته الذاتيه امنيحه .. كنت متردده لكن كان اصرار اهلي عليه اضطرني للموافقه رغم اني كنت اشعر بحب ابن الجيران لكن لا اعلم ان كان هو يبادلني او لا نفس شعوري بنفس اليوم الي كتبت فيه كتابي اجى ابن الجيران وطلبني من بابا وطبعا كان جايب اهلو كان رد بابا البنت خاطبه حكى اله انا مصمم ومصر واستخير ربكم وسئل البنت حكى اله بابا طيب بنشوف سئلني بابا طبعا بدون تردد من الفرحه وافقت وحكيت اه ..
بس كان في استعجاب من بابا وانا اعطيته الدبله وحكتله دخيلك انا مابدي خطيبي الاول ..
بس حكى لا بس رجع حقق الي رغبتي وحكى بشرط اتكون خطوبتك التانيه اتكون بعد شهر من شان الناس والعالم..
طبعا حكيت اه ..
وهنا اعرفت انه كان يبادلني الحب الي كنت اشعر فيه لانه صمم على بابا وهو عارف اني خطبت..
بس كان في سؤال محيرني قبل خطوبته ..
سؤالي كان اني حبيته من نظراته الي رغم بعد الصله بينى هل هو بحبني..
بس اجت الاجابه لما خطبني.. وطمنت

كانت بدايه خطوبتي معاه اكتير حلوه وممتعه الشي الي حبيته
صار الي ملكي والي كان الي مجرد حلو صار حقيقه!!

بس بعد فتره من خطوبتنى اتغيرت حياتي صار الي سنه خاطبه وقل بينى الحب خصوصا منه بحس وانا برضو بديت اتعب واحس بضيقه
وصرت اشتكي من ملاطفته الي بكلامه .. بطل يحكلي حبيبتي وعمري
وتغير اكتير مش عارفه شو احكي او اشكي
واكتير شي صرت انصدم منه في بنت من جامعتي حكتلي خطيبك كان عند الجامعه وكان بطلع ع البنات..
كنت في شك وصارحته حكالي ابدا هاي صحبيتك كذابه..
بس با الفعل طلعت معاه وكنا بدنا نقعد الا انتبهت انه بطلع وفي بنت شاده انتباه وبطلع عليها ..
رغم اني الكل بحكلي ان فيه صفات الجاذبيه وكتير بتعرض لمواقف ومابرضى ارد ع الشباب ..
بس انا غيرت مكان الي كنى فيه وماحكتله ليه بتتطلع لكن ازعلت من داخلي اكتير..
وكان نفسي انفجر من الزعل او اني اخلص ع روحه..
لكن تمالكت نفسي .. وكانت جلسه بس فيها مايكفي من الجفى سواء منو او مني
هاي حياتي.. اتغيرت..
مش عارفه هل بدو يضل هيك .. حتى بعد الزواج
او هل انا كان اختياري اله هو الخطأ

مش عارفه صرت مشتته وكتير بفكر ..هل من رد او نصيحه
بس ملاحظه انا حاولت اكتير معه انا نرجع متل ماكنا
وتعبت وماخليت زعل او مصالحه او طريقه الا وعملتها
وانا مهتمه بحالي اكتير وباسلوبي وبغير دايما للافضل
هو احينا بكون اكويس بس مش عارفه شو الي بغيرو ..


موضوع حصري لمنتديات شباب باتنة