حكايتي مع نبض الجنين



السلام عليكن اخواتي و رمضانكم كريم ان شاء الله
قصتي مع نبض الجنين و الله محيرتني بزاف يزاف
عندي ما شاء الله 4 اولاد و لم يحصل لي مشاكل من قبل في الحمل الى غاية شهر افريل اللي فات عندما رحتللطبيبة قالتلي حملك في الاسبوع السابع و كاين الكيس و البيبي و نموه عادي بكن نبضه ضعيف جدا و انا موسوسة وقلوقة بزاف قالتلي ارجعي بعد اسبوع فات عليا تقول شهر و رجعت ونفس الكلام وزدت رجعت بعد اسبوع اخر وقالتلي لازم تنزليه بالابر و عملت عملية تنضيف و الحمد لله
بعد مدة فرحني ربي بالحمل وكانت اخر دورة يوم 12/6 و البارح حسيت بالام فضيعة في اسفل البطن وافرازات -اكرمكم الله قليلة جدا بنية- واختفت اعراض الوحم نهائيا
رحت للطبيبة اليوم و قالتلي راكي في الاسبوع 7 ومازال شوية الحال لكي اقول ان الجنين ميت كاين كيس و الجنين قد عمره عادي لكن اصبري 20يوم و ارجعي ربما نشوفو نبض
الله يرضى عليكم راني في حالة الوسواس قتلني حابة نعرف من منكن مرت او سمعت بمثل حالتي ولم تلاحظ نبض في السونار في الشهر 7 و من بعد ظهر انو في نبض وتم حملها بخير


موضوع حصري لمنتديات شباب باتنة