قصتي ابكتني رغم قوتي

انا سالفتي سالفة وحابه اخذ رايكم فيها تملك من ولد عمي وتحدد الزواج لكن حصل خلاف بين اختة واخوي هم طبعن زوجين اي كلناعيال عم بسبب المشكله تاجل الزواج مرتين وحصلت محادثات بين زوجي او بدري اقول خطيبي احسن واخوي واوي بس بدون فايدة اخوي راكب راسه وزوجتة اعند منه والي ابتلش خطيبي ورفض يحدد الزواج دام اختة كذا حالتها طيب انا وش ذنبي واذا كلمته قال مقدر افرح والناس كذا زعلانه راح عمري وان احتري الناس ترضى واذا فاتحته قال انتي ماتقدرين وضعي وبس همك مصلحتك انا مسؤل عن عائلتي وتهمني مصلحة اختي
يعني اذا زانت حياة اختي تزين حيانتا واذا لا راح تسبب مشاكل وفي الفترة الاخيرة صار مثل العسل رسايل وكلام حلو ماينشبع منه وحصلت مكالمة بينه وبين اخوي وضح له اخوي انه عجز يتفاهم مع اختة اي زوجتة وماوصلو لحل زعل وتضايق وقطع الاتصال بينا والرسايل ارسلة مايرد واقوله احسن كلام واجمل العبارات ماعندك احد اساله عن نفسه وعن شغله مطنش وساحب علي وانا خابفه انه مل وطفش من الارتباط الي كله مشاكل بس ماوضح ودي اسأله بس خايفه من الرد يذبحني
وش اسوي معه اطنش واسكت عنه لما هو يتصل او ارسله والله ماني عارفه{ حسبي الله ونعم الوكيل بس }
افيدوني ولا تبخلون علي بالنصيحة .


موضوع حصري لمنتديات شباب باتنة