موضوع مقدم من منتديات ديزاد
منتديات ديزاد باتنة
سلام عليكم ورحمة الله وبركاته:
مساء الخير عليكم حبيباتي
واش راكم إن شاء الله تكونو بخير
اليوم حبيت نقدملكم شرح طريقة طريقة تحضير الطمينة في الشرق الجزائري
أولا/ المقادير:
تمر
250 غ زبدة أو مارغارين
سميد حرش
ثآنيا/ شرح طريقة طريقة التحضير:
لازم في البداية ننقيو التمر من هذوك الشوائب اللي فيها مثل أجزاء من العلف /لعضم تاعها أو شوائب اخرى
ومبعد نعجنوها بشوية ماء زهر ولا ماء ورد نخلوها تتنسم بهذاك الماء تاع الزهر ولا تاع الورد
وفي نفس الوقت نحطو السميد لحرش فالغربال باش ننحيو منو السميد الرقيق على خاطر نحتاجو غير الخشين
ونحطوه في مقلاة أو طاجين حسب الكمية فوق نار هادئة

ونحركو بالملعقة حتى يولي لونو ذهبي
يعني تقريبا هكذا

نذوبو الزبدة أو المارغارين ونخلطو معاها التمر والسميد ونعجنوهم مليح مع بعض
كي تتأكدي باللي الخليط أصبح متماسك
شكلي قرصة كيما تاع الكسرة وحاولي تطرحيها شوية حتى يصبح سمكها حوال 1.5 سم
خليها تبرد شوية ومبعد قسميها بسكين إلى قطع كبيرة أو صغيرة حسب الذوق






توضع في صحون وتقدم مع الحليب أو القهوة او المشروبات
وبصحتكم






موضوع مقدم من منتديات ديزاد
منتديات ديزاد باتنة




©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©