موضوع مقدم من منتديات ديزاد
منتديات ديزاد باتنة



وقت التحضير: 10 دقائق
وقت الطهي: 20 دقيقة
المقادير: فيليه سمك
ملح
فلفل احمر مجروش
عصير نص ليمونه.
فلفل بابريكا
فلفل اسود
لغلاف السمك
نص كوب طحين
ملعقه كبيره كزبره بودر
ملعقه كبيره كمون
ملعقه كبيره كاري بودر
ملح شوي وبابريكا
التحضير: بهري السمك بملح..فلفل احمر مجروش..عصير نص ليمونه...فلفل بابريكا..فلفل اسود






خليه نص ساعه في الخلطه
في اثناء ذلك نجهز باقي الاكل
الحين بنسوي الغلاف للسمك
ومقاديره هي نص كوب طحين..ملعقه كبيره كزبره بودر..ملعقه كبيره كمون..ملعقه كبيره كاري بودر
ملح شوي وبابريكا
حطي عليه ثلاثة ارباع كاس ماء وبيضه وخلطي الخليط
خليه ربع ساعه عشان النكهة تتركز
الطبخ: وفي طول ماننتظر السمك والصوص
سوي رقايق البطاط بالاوريجانو
قطعي البطاط بقشره الى رقايق
بس لازم تغسلين البطاط زين
وعلى فكرة اكثر فوايد البطاط في قشوره
وعلى دهن حار اقليه
والحين ابدي في الخضار السوتيه بالزبد
في مقلاه زبد وشوي زيت وكوب خضار مشكل وبصل اخضر مقطع حلقات
وجزر قطعته حلقات
اقليهم شوي وحطي ملح وفلفل اسود واريجانو وفلفل احمر
خمس دقايق وطفي النار
وخلاص جهز
ورح ابدي بالرز لان للحين النص ساعه ماخلصت لنقع السمك
لاحظو اني صور 2014ت خطواتي بالترتيب مثل ماطبختها
ولحد الان بس البطاط جهز والسوتيه وقليت باذنجان
ونبدي بالرز
في جدر حطي زبد وزيت ونص كوب خضار مشكل
وكوب ونص رز مغسول وملح وفلفل اسود وفلفل احمر
واريجانو اواي نوع بزار تحبينه
اقليهم جميعا 5دقايق مع التحريك
لما يتقلى الرز زين خلاص حطي ماء مناسب لكمية الرز وخليه يغلي بقوه لين قرب ينشف الماي وطي النار ع الاخر وسكري عليه يتنشف وينضج...انا حطين نص فلفل رومي للريحه الحلوة
البطاطس جاهز
حطيت عليه ملح واوريجانو مجفف
وفلفل اسود......
الحين نبدي شغل في السمك ...سخني زيت...غمسي قطع السمك في الصوص
وعلى الزيت ...بس انتبهي لايكون الزيت جدا حار
اتركيه لاتحركيه لين تصير طبقه مقرمشه
والحين بالهنا والعافيه

موضوع مقدم من منتديات ديزاد
منتديات ديزاد باتنة




©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©