شرايكم بتصرفي

[ام بهاء]

شرايكم بتصرفي

السلام عليكم ورحمه الله وبركاته

اخواتي ابي نصحكم

بنات انا من النوع الصبور اللي مااتدلع كل شوي او اتزعل على كل شيء

الموضوع ومافيه ان زوجي له فتره قايل بطلب لج خدامه . وبسوي لج غنفات . هالموضوع صار له 4 شهور بالضبط
كل مره يحط اللوم علي ان انا اللي قلت له ابي نوع معين او اني انا للحين ماحددت له الخام

بنات الخامات عندي وقلت له هذي الخامه وهذا التصميم وموجودات على الطوزاله صارلهم 4 شهور
والخدامه كل ماتكلم قال دقو علي وقالو فيها مرض والعذر الثاني للحين ماوصلت الطلب الجديد وخدامتي اللي عندي صارلها 5 شهور خالصه الستنين وقالها زوجي تقعدين لمن تجي خدامه جديده

المهم ان اتصل علي الاحد مو الماضي اللي قبله وقال انا عازمه على مطعم على ساعه 9 صباحا بمرج

على 11 دق وقال لا تعالي البيت وبعدها نطلع من البيت
دق 2 وقال ها وينج طولتي قلت الطريج زحمه 10 دقايق واكون واصله البيت

وصلت البيت مالقيته قالت لي الشغاله بابا اكل تحت وماما كبير خلت لج اكل بس انتي ربروحج
دقيت عليه وقلت له يا فلان كليت
قال اي تغديت
قال ليش
لا لا ولا شيء سلامتك وسكرته

من سكرته صعد فوق وقال شفيج قلت مافيني شيء
قال صج شصار على موضوع الخدامه انتي الله يهداج كل مااقولج امشي نروح نسوي غنفات او نطلب طلب خدامه قلتي مشغوله

انا : رديت عليه وقلت له

يا فلان موضوع الخدامه وحده من الثنتين اما
- تدق على المكتب ويوصلون لك الطلبات الجديده وانت بالبيت وتختار ويسوي لك طلب
- الشيؤ الثاني تروح انت بنفسك وتسوي الطلب

ويافلان الخامات والمطارح كاهم جدامك وحاطه على اللي ابيه علامه .

الحين يافلان الموضوع كله عليك انا مابيدي شيء
ومتى مابغيت تسويه سوه

سكت وقال انا بروح لربعي

جاء باجر بعد مارديت من الدوام قال يالله امشيء قلت وين من هالظهر
قال انتغدى بمطعم
قلت ماابي المطعم كان امس وانت اللي قلت بروح الحين شكو نروح
قال انا ماتغديت علشانج وانطرج واخرتها ترفضين لو اني داري جان تغديت ومانطرتج

قالت تقدر الحين اتغدى انا تغديت بالدوام

قال انا بروح لربعي قلت له يافلان باجر اجازه وانت طول الاسبوع اجازه وطلعه مع ربعك ابيك الحين نروح اطلب خدامه وبعدها سو اللي تبي انشاءالله تطلع مع ربعك ليل ونهار

وبالنسبه للمطارح ماهمني مرتاحه بقعدت الارض


المهم رحما وطلبنا خدامه وردني البيت وطلع لربعه

جاء بالليل وقعد يسال

- فلانه انا مقصر معاج بشي
- انتي زعلانه مني
- انا مو دايم اعطيج فلوس
- انا كله طالع لربعي
- انا مااقعد معاج
- انا كله دوامي يخليني اسافر
- انا مااطلع بنتي ولا اطلعج

كل هالكلام صحيح انه انا ودي اقوله بس قبل كان يسالني هالاسئله وانا اصارحه واقوله
خل يوم بالاسبوع لنا

ويكون الرد انشاءالله افا عليج
ويمر يوم وا كأن شيء صار

المهم انا قلت له لا تكلمني بالموضوع مره ثانيه الان هالموضوع معروف الكلام فيه وانا ماعندي جاوب عليه

وسكرت الموضوع
وتعاملي معاه رسمي جدا هالاسبوع وهو كل يوم يدق ويقول شلونج اليوم
وانا ارد تمام

بنات والله ان زوجي يفيد معاه الحقران وهالتعامل

وش رايكم شسوي

دمتم سالمين وربي يتمم عليكم


موضوع حصري لمنتديات شباب باتنة