بسم الله الرحمن الرحيم .
اللهم صلِّ على سيدنا محمد .
طبعاً هذي أول روايه ليّ ، وهالرواية رائعة و مشوقة شبّه من الواقع وبعضه من نسج الخيال ~
بدون تعريف ابطال الروايه تعرفونهم ان شاء الله وكذا .
قامت كالعادة مفزوعه من كوابيسة اللي تجي أخر الليل ، وتسوي لجة بالبيت
من صراخه وصياحه اللي تقريباً صار روتين عند أهله ، قومته أخر الليل وصياحه ونياحه ، ركضت أمه عنده وقامت تهديه وتقرا علييه ومن هالأشياء .
أم علي : بس حبيبتي بس لمتى وانتي بهالحاله دايم مقومتنا من نومنا مفزوعين وخايفين ، ولمتى موب قايلة لنا؟ الله يهديتس يابنيتي .
لجين من بين شهقاته : ابي ارتااح يمااه ، ابي انام
لميين نامت بعد موحاولات من أمة . وتهديّه أنه ماراح يجي هالكابوس مر ثانية.
نامت لجين وغطته أمه بالبطانية وسمّت عليه وطلعت ، ووجه ما يخفى عنه الضيقة اللي من عقب رجعتهم من السفر وحالة لجين كذا .
جلست بالصاله شوي ، وجاء لمه إبراهيم اكبر من لجين بسنه . بما ان لجين مادخلت الثانوي للحين هو اول سنه له. وشاف وجه أمه وعرف أن لجين قامت من كابوسه اللي يسير علييه كل ليل ، وجلس عنده وحبّ راسه .
إبراهيم : وش أخباره الحين؟
أم علي : نامت ياعمري علييه بعد معاناة ، مب قادرة تنام مثل الناس تخاف تنام يرجع له الكابوس . الله يفرج عنه ويريحه ويريحنا معه -
إبراهيم : امين ، مب تقولين وديتوه لشيّخ ؟
أم علي : إيه ياوليدي وديناه وقرأ عليه ، ويقول أنه متروعه من شيء أو شافت شيء وانصدمت ومأثرة الصدمة عليه لدرجة أنه تجيب له كوابيس ، وأختك عجزت عنه وأنا احاول به تكلّم وتقولين شصااير بس مشركة ابليد حيلة
إبراهيم : الله يعيين ، طيب يمه سمعت أنكم تخططون على طلعة للبر .
أم علي : هههههه إيه ياوليدي وشكلنا بنخليه بس حريم .
إبراهيم : ليش يمه ؟ نبي نطلع ونستانس وشذا ! دام خوالي بيطلعون أبد رجليينا على رجيلنهم .
أم علي : ان شاء الله ، سهل امركم أنتم متى مابغيتوا طلعتوا والا انا ماودي بهالطلعة .. بس البنات الله يهديهن مزعجاتنا الا بنطلع -
إبراهيم : هههه ، زين يمه أنا رايح أنام تبين شيء؟
أم علي : الله يحفظك وتغط زين عليك بالعافيه ياوليدي -
إبراهيم يحب راس أمه : الله يعافيتس ويخليتس لينا ياميمتي ، ومن عيوني.
راح إبراهيم لغرفتة . وعلى طول نام من التعب
وأم علي صلّت الوتر ونامت له شوي لين أذن الفجر .
----------------------------
ببيت الخالة أم أنهال .
أم عبدالرحمن : انهال يالله قومي صلّي وارجعي نامي لتس شوي ، ننروح لبيت خالتتس بنفطر .
أنهال : وشو! وشولوه فطور ، يمه والله بي نوم مالي خلق اروح ومشت للمغسلة تتوضى .
أم عبدالرحمن : هذا انتي سهر بالييل ونومن بالنهار ، نامي لتس شوي الحين ولا جت 7 جيت أقومتس يالخيشة وطلعت .
وصلّت أنهال وعلى طول نامت ~
تحت بالصالة ، كان فيه امتنان أخت انهال أخر سنة جامعة .. شخصيتة هاديه وفرق شاسع بينه وبين انهال لا بالشخصيات ولا بالأشباه .
وعنده اخوه الصغير مشعل وتؤكله * قايلتن لكم سنعة *
أم عبدالرحمن : تسان ماوكلتيه هذانا شوي وبنروح لخالتتس يفطر معنا هناك
امتنان : مدري جان جوعان ويصيح ، قلت وش يصبره خن أعطيه بس
أم عبدالرحمن : الله يصلحتس يابنيتي ، خليه خلاص يأكل لحاله وقومي أختتس الخيشه .. متى تلبس عاد وتنجّز
امتنان : هالأنهال ! بجيب معي صطل ماء ويالله ينشطة .
وراحت تقوم أنهال ومع اللجة والصراخ والهواش من انهال طار النوم .
قام عبدالرحمن المتخرج واللي يشتغل طبيب أسنان ، بس مابعد رزقه الله بالزوجة .
دخل على أمه بالمطبخ وهي تزين القهوة ، ومشى من وراه وعلى طول حبّ خده
فزت ام عبدالرحمن وضحكّت : متى قمت؟
عبدالرحمن : توي قايم ، متى تتروحون بخالتي أجل؟
ام عبدالرحمن : الحين ياوليدي بس صّوت لي للهسعلوات فوق ازعجوا أبوك بهالتصبيخ .
عبدالرحمن : سمّي ، وراح فوق وسوا لجة ليين مانزلن كلهن وماكلات تبن .
أنهال وهيتنزل من الدرج : على باله مسوية انا النشيطة ! اناقشطة الصباح .
امتنان : إيه ، اجل مثلتس يالخيشة ولا البقرة الضاحكة على هالشوشة .
عبدالرحمن سبقهم لسيارة وأم عبدالرحمن صوتت للبنات يجن يشيلن القهوة ويحملنه بالسيارة .
انهال وهي تمشي : هيّ ! دوتس ذي خفيفة مابه الا ترمس القهوة .
امتنان وهي تسرع : وخري بس بو هنودا عندتس --'
مشت انهال وانقهرت منه لان امتنان شايلة الخفيف وهي الثقيل .
وركبوا وراحوا لبيت خالتهم ، طبعاً بس بيت خالتهم أم علي هو اللي بعييد عنهم اما الباقيين بنفس المكان .. ويمشون رجليه .
وصلوا وكلن جاي ،
وجلسن الحريم كالعادة بالحوش وهالقهوة والسواليف .
والبنات راحوا الملحق
ريناد اللي كبر إبراهيم أخو لجين اول سنه ثانوي : ياررا يحماره رجلي عفصتي ابوه
يارا تضحك وتزيد
وريناد تصّرخ عليه وتهاوش .
وانهال والباقيين منسجمين مع المسلسل ، نسيت أقولكم أن كل هالشلة ثالث متوسط إلا رريناد أكبرهن .
لمى : رريناد وجع اسكتي ياخي بنسمع .
انهال وعيونه على التلفزيون : هذا وهي به نوم .
ريناد : ههههههههههههههههههههههههههههههه تدرون؟ اخر شيء يموت راجي وتتزوج سيلا غيروه
لجين اللي قاعده على جواله وفاتحة الاب : هههههههه حلوة ريناد ، وانتن بعد مغبرات احدن يتابعن هالمسلسل قدييم ترا :/
انهال : انطمي انتي وبقبقي عيونتس على الاب ، وانتي يارريناد على تبن :/
ريناد : ههههههههههههههه
يارا : سامجات وشوله تهرجن ، كنت متحمسه اشوف اخر حلقة
ريناد : طيب! انا بس قلتلتس وش بيصير ، ماقلت وش الاحداث كله .
يارا : مدري بس المفروض مايموت راجي ياخي احسوه هو بطل المسلسل .
ريناد : انا نفستس قلت كذا بس بعده طلع زوج سيلا مدري شسمه احسن تمثيل واحلا ، الا على صرخة لجين : بننننات شوفن ياكلبات بسررعه
نطن كلهن عنده .
لجين : راكان رد علي!
ريناد : ختفو على ذا الوجه ! الحين مناديتنا وقاطعه سواليفنا عشان ركنّه :/
انهال : احلففففي ! وش قال ورين ؟
يارا ساكتة وتناظر بس .
اما لمى اللي ماستوعبت وين جالسه .
ريناد : لمى هههههههههههه كسرتي زمزميتهم وجع !
لمى : هاه ! وش تبين انتي ، يوه وتقوم وتجلس زين بالارض وانكب شوي الشاهي
ريناد : ياخي جوعانه ! بروح اشوف خلصوا الفطور والا لاء .
انهال : اجل الا تقاطعه ريناد : لاا حركة جيبيه هنا مافيه امشن تحركن طاعوش هذا عمركن واجسامكن دببّه !
كشرن وقامن الا لجين .
وكلهم راحوا المطبخ ، إلا لمى راحت لأمه ، جاء فيصل اخو يارا اللي اخر سنه ثانوي يصوت : يمااه
يمااه !
انهال استحت لأنه لو يويز شاف اللي بالمطبخ ، وريناد ولا هامه تمشي وتغني وتطلع صحون وتصبخ .
راحت يارا تشوف وش يبي : نعم يالبثر شعندك؟
فيصل : ياليييل وانتي بكل مكان قبال وجهي ! جيبي لي وجهن بشوش غيرتس يامعفنه .
يارا : كل تبن ، واذا تبي امي برا بالحوش رح مالمك أحد
فيصل : من به بالمطبخ ؟
يارا : رينااد وانهال !
فيصل : ضحّك ، ولجين ؟
يارا : وش تبي انت الحين ضف وجهك . الا صوت ريناد من المطبخ : خلييه خلييه بينفهه على نفسه الرجال كارفينه كرف بهالشمس .
فيصل : اقول اها ، يارا قولي لأمي يجهزون الفطور لرجال ,
يارا : خلاص انقلع .
زينوا لهم فطور الحريم والبنات وافطروا الرجال وخلصوا وكلش .
وجلسوا الرجال يخططون على طلعة البر مع الحريم .
والبنات بالملحق رقص واستهبال وكذا .
طلعت ريناد وهي تضحك : بسم الله الرحمن الرحيم ! شجابك انت؟
إبراهيم : اوه ريناد! هلا والله
ريناد بدون نفس : هلا ، شعندك ؟
إبراهيم : وش عندتس منفسّه وتو شاقه الخشه من الضحك !
ريناد انفعلت واللي ماتطيق شوفة إبراهيم ، واللي تحسه بكل شيء معه وخواله دايم ولد الخال لبنت الخاله , عشان كذا تكرهه. : إييه تلقائي يومني شفت وجهك المخييس تنكدت .
إبراهيم : شدعوا ! اقول شعندكم هنا العييال يبون يدخلون
ريناد : طيب اذلف ، شوي ونطلع
إبراهيم : طيب ومشى
جت بتدخل ريناد ، إبراهيم التفت : ريناد
ريناد : ااااه نعاام يالنشبه؟
إبراهيم : نعامة ترفستس وش نشبة!
ريناد : إييه نشبة ! اطلع من مخي ياخي بثر الله يقطعك .
إبراهيم : جدع عليه كرتون منديل كان مأخذه لرجال وهج .
ريناد : الله ياخذك قل أميين ومشت وهي تتحلطم ودخلت وكملوا رقص وذا
الا ما اذن الظهر وراحو لمزرعة جدهم البعيده عنهم ، وناموا كلهم به .
شلة البنات وعرفتهم . العييال ، فيصل ، وعلي كبر العيال واخوه ابراهيم بس يماشيهم لأن محد معه . راكان ماله الا أخت صغيره اسمه رود ، عبدالعزيز ماله أحد الا خوات متزوجات ،
شلة منال ، ضحى أخت يارا ، وراما أخت لمى كلهن اخر سنة جامعه . مالهن دور مره بالرواية رائعة و مشوقة ~
بكرا أكمل أن شاء الله * تعبت المسيكينه *
هالله هالله بالردود اللي تفتح ألنفس
أراكم على خيير ~
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©
رد مع اقتباس
