استعمل مربع البحث في الاسفل لمزيد من المواضيع
سريع للبحث عن مواضيع في المنتدى
-
10-19-2013, بتوقيت غرينيتش 01:06 AM
#1
روايه ودك تنامين ؟؟نامي
دي الروايه انا قراتها في واحد من المنتديات ومرة عجبتني ﻻنها واقعيه واللى كاتبتها هيا بنفسها منزلتها*
بس يا ريت تتفاعلوا تيب يﻼ اخليكم مع البارت اﻻول
ودك تنامين؟؟ ناميـــــ ..
للكاتبة : w2ooma
*لتحميل الروايه كاملة**
الشخصيات :.عائلة ابو سعود : عبدالله + باسمة*
- سعود 25 سنة*
- دلع 20 سنة*
- سالم 18 سنة .. ثانوية عامة
- لينا 15 سنة .. ثالث متوسط*
عائلة ابو عوض : صالح + منى
- عوض 25 سنة*
- أروى 18 سنة .. ثانوية عامة*
عائلة ابو غادة : ابراهيم + نورة*
- غادة 18 سنة .. ثانوية عامة*
- سمر 15 سنة .. ثالث متوسط*
___________________________________
الجزء اﻷول :.
(( يوم اﻻربعاء .. 17 شعبان ))
( قدام المدرس مفصلة )
كانت أروى واقفة برى المدرس مفصلة كالعادة تنتظر أخوها يجي .. وجنبها كانت صديقتها غادة .. اللي كانت تنتظر السواق ..*
أروى : أففف .. هذا وينه الحين ...؟؟ أكيد قاعد يسولف ويا ربعه ..*
غادة : انا اوري شريفوو .. ان ما شلت آخر شعره بصلعته .. ما اكون غادة...!!
أروى : ليت عندنا سوااق .. كان انا الحين ف البيت .. مو هنا تحت الشمس ..!!
غادة : هذا انا عندي سواق وشوفي شلون ...؟؟*
أروى التفتت على الحارس بعصبية : سمندرررررر ... ما في يجي أروى ..؟؟
دخلت غادة عرض : مافي يجي غادة ..؟؟
سمندر بكل غباء وبرود : مافي يجي لساااا ..*
إﻻ وبيد تدف أروى وتسحبها من عبايتها ...*
أروى : ووجع ... عوضووو ﻻ تسحبني كذا قدام الناس ..
عوض وهو معصب يسحبها من يدها : انطمي وامشي بسرعة احسنلك ..*
فهمت أروى انه معصب وواصلة معاه وانطمت ومشت بسرعة ...
ويوم وصلوا السيارة ....
عوض : بيجيك شيخ الحين وبيقول لك عطيني الكتاب .. عطيه الكتاب بدون وﻻ كلمة فاهمة ...*
أروى مستغربة : شسالفة ..؟؟*
عوض وهو خﻼص واصل معاه : أفففف .. بعدين بتعرفين ..
راح عوض ورجع بعد دقيقة مع واحد مطوع ...*
قرب الشيخ شوي : السﻼم عليكم ..*
أروى : وعليكم السﻼم ..*
الشيخ : لو سمحتي هذا اخوك ... ؟؟
أروى : أي نعم .. خير ...؟؟*
الشيخ : عطينا كتابك لو سمحتي ...*
أروى : نعم...؟؟ ليش..؟؟*
الشيخ بصرامة : عطينا كتابك وبدون اسئلة .. يلﻼ اشوف ...*
أروى فتحت شنط 2014تها وهي تافف : اففف .. طيب اعصابك ..*
طلعت الكتاب وعطته الشيخ .. والشيخ بدوره قارنه مع كتاب كان في يده وكان مكتوب عليه نفس اسم اﻻبو والعائلة ..*
الشيخ : خﻼص اركب السيارة .. وﻻ اشوفك مرة ثانية تسوي هالحركة ..*
عوض : أي حركة ..؟؟ انا جاي آخذ اختي وانت تقول اني جاي اغازل ...؟؟
بالله عليك وش سويت انا....؟؟!!؟
الشيخ وهو يمشي : توكل على الله ..*
دخل عوض السيارة معصب ووراه أروى ... وبدون وﻻ كلمة شغل السيارة ومشى ..*
بعد سكوت طويل ..*
أروى : ههه .. أخاف تكون مسوي حركة منا وﻻ منا .. ؟؟؟
عوض طالعها بنص عين : كلي تبن ..*
( أكلمكم شوي عن اللي يصير .. أروى وعوض اخوان .. أروى صف ثالث ثانوي .. وعمرها 17 سنة .. طولها عادي .. بس شعرها كيرلي كشة .. ولونه بني .. وعيونها مكحلة .. يعني مررة حلوة .. اما عن طبايعها فهي انسانة ما يعجبها العجب .. ذوقها مرة غريب .. ومو سهل انها تخق على أي واحد ..*
أما عوض .. اخو أروى الكبير والوحيد .. عمره 25 سنة .. ويشتغل في احد الشركات الخاصة .. طويل .. وضعيف .. وأسمر .. وخشمه ما بقول عنه سيف .. بس موب شين .. مقبوول ... وشعره ويفي .. يعني فيه تموجات .. ولونه اسود .. وعوض انسان متحضر ..يحب الكشخة مرررة .. ونادر ما ينشاف مبهدل .. وفيه صفة الغيرة .. يغار على اهله كثير وخصوصا اخته.. ويخاف عليها .. بس مايبين هالشي ﻻنه دومه طق ومطاقق معاها .. ووﻻ عمرهم اتفقوا على شي .. )
أروى مدت يدها وحطت على بانوراما ...*
ورجع عوض غير وحط على ام بي سي اف ام ..*
أروى : وعع .. بﻼ قرااوة!! رابح صقر!!!!
عوض : مالك دخل .. سيارتي وانا حر فيها ..*
أروى : مالي دخل .. انا ما اقعد ف سيارة يغني فيها طير مخنوووق!!!
عوض : احسن من وجهك .. ماشفتي كشتك ..؟؟
أروى بغرور وهي تسبل بعيونها : عاجبتني ..*
عوض : الحمدلله والشكر ..
أروى : زي شاكيرااا .. بامبوووووووو ..*
عوض : جب جب .. وﻻ كلمة .. بتعتزل لو تدري عنك ..*
أروى : زين بعلم ماما تظنز علي ..*
عوض : علميها .. انا ما قلت غير الصدق ..*
أروى : حرام عليك والله شعري اجمل من شعرك ..*
عوض وهو يمرر يده ف شعره بغرور : هه .. يصير خير ..*
أروى تقلده : الحمدلله والشكر ..*
وصلوا البيت ..*
نزلت أروى تدخل البيت واول ما فتحت الباب قعدت تصارخ : مااااماااااااا... ترانا جينا ....*
امها من فوق : ﻻ تصارخيييييييين ... شوي شوي*
أروى وهي تسحب شنط 2014تها ع اﻻرض وهي طالعة الدرج ومسوية ازعاج : فاااااااااااااتش شي خطييييييييييييييير .....!!
ام عوض ( ريم ): فاااتش!! وين كنتي انتي..؟؟*
أروى: كنت ف جمس الهيئة .. هههههههه
أم عوض : ليييييش.....!!!
أروى بفتنة : اسألي ولدك؟؟؟ وش مسوي ..؟؟*
ام عوض نزلت تركض ووقفت عند الباب وأروى تتفرج من فوووق وهي فاقعة ضحك على اللي بيصير ..*
اول ما دخل عوض اﻻ بامه ماسكته من اذنه وساحبته ..*
عوض :آآآآآآآيــــــــــ ... يما اتركيني .. اذني حراام عليك ..*
ام عوض تركته : قول لي وش مسوي الله يسود وجهك ...*
عوض : وش سويت بعد ...؟؟!
ام عوض : اسألك انا .. جاوبني ..*
عوض وهو خﻼص ضايق مرررة : ﻻ تسوين معاي هالتحقيق وش سامعة عني .. ؟؟
ام عوض : ليش كنت ف جمس الهيئة اليوم .. ؟؟ وش سويت .. ؟؟*
عوض وهو يتوعد بأروى : انا اوريها أروووو ما قدرت تسكت يعني ..*
ام عوض : لو تقرب عليها ذبحتك .. المهم ليش مسكوووك ..؟؟*
عوض : اول شي .. ما ركبوني الجمس .. بس الشيخ مسكني .. يقول وش تسوي عند مدارس بنات؟؟.. وماتدري انها مدارس فيها متوسط وثانوي ؟؟ .. ويوم قلت له اختي هنا تدرس مفصل .. قال عطني كتابك وخل اختك تعطيني كتابها .. ويوم جات أروى .. اخذ كتابها وطابق اسم الوالد والعائلة وقال لنا توكلوا ..... والسﻼم عليكم ورحمة الله وبركاته ..*
ام عوض : بس...؟؟
عوض : والله العظيم .. بس ..*
ام عوض : طيب ييﻼ روح غير بسرعة عشان تتغدوا
عوض وهو يطلع الدرج : طيب ..*
ويوم انتبه ﻻخته اللي كانت على راس الدرج قعد يركض وهو يركب : تعالي هنا انتي .. والله ﻻ اوريك ..*
أروى وهي تركض لغرفتها ... دخلت وقفلت الباااب وقعدت تضحك ..*
عوض : طيب يا أروى .. ما يصير لك خير لو مسكتك ..*
وراح لغرفته يغير مﻼبسه ...
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©
المواضيع المتشابهه
-
بواسطة admin في المنتدى ديوان الروايات
مشاركات: 0
آخر مشاركة: 10-19-2013, بتوقيت غرينيتش 01:16 AM
-
بواسطة salima في المنتدى ديوان الروايات
مشاركات: 0
آخر مشاركة: 10-19-2013, بتوقيت غرينيتش 01:16 AM
-
بواسطة said في المنتدى ديوان الروايات
مشاركات: 0
آخر مشاركة: 10-19-2013, بتوقيت غرينيتش 01:13 AM
-
بواسطة romaissa في المنتدى ديوان الروايات
مشاركات: 0
آخر مشاركة: 10-19-2013, بتوقيت غرينيتش 01:06 AM
-
بواسطة ام بهاء في المنتدى عالم الرشاقة و الدايت شوب
مشاركات: 0
آخر مشاركة: 10-01-2013, بتوقيت غرينيتش 02:06 AM
ضوابط المشاركة
- لا تستطيع إضافة مواضيع جديدة
- لا تستطيع الرد على المواضيع
- لا تستطيع إرفاق ملفات
- لا تستطيع تعديل مشاركاتك
-
قوانين المنتدى