موضوع مقدم من منتديات ديزاد
منتديات ديزاد باتنة
هـــــــــــــــلااااا وغـــــــــــــــلاااااا

جبـــــــت لكــــــــــــم قصـــــــــه ولا ارووووع باللهـــــــجهـ الأمـــــــــــــــاراتية,,

اتمنــــــــى مــــــــن كـــل قلبـــــــي انهـــــا ما تكــــــــون مـــوجودة مــــن اول

وان شـــــــاء اللـــه تعجبكــــــــــــم,,,,



*************
الشخصيـــــــات راح تعــــــرفونهاا مع احــــداث القصـــــه,,

يوم الجمعة بعد صلاة العصر طلعت ريم من بوظبي مع ابوها راجعين العين بعد ما يلسو عند اخوها في بوظبي .ريم متعلقة با بوها واايد هي البنت الوحيدة الي ماتزوجت من بناته وهي تدرس مفصل في التقنيه سنه ثالثة عندها خوات اكبرعنها مريم متزوجه وعايشه في دبي اما حصة متزوجه بعد لكن عايشه في العين.اخوانها أحمد متزوج وعايش في بوظبي وخالد يشتغل في شركه ابوه وعبود اول سنه له في التقنيه.
___________في السيارة ________

ريم : ابويه تريد فنيال قهوة
ابو ريم : لا فديتج ريامي
ريم: فديت امي تولهت عليها واايد
ابوريم : صدقتي
ريم: يعيني على الشوق
قعدوو يضحكوون
مرة فتره هدوء وصمت
ريم: الغالي فيك شي
ابوريم: لا ريامي
ريم: عيل ليش ساكت مالك بالعاده تسكت ولاهذا الوله جي يسوي
ابوريم: ما شي ريامي
ريم تلاحظ على ابوها أنه تعبان وتتغير ملامح ويهه
ريم : ابويه أنت تعبان تحس بشي
ابوريم: شوي احس بتعب
ريم: فديتك ابويه وقف السياره شوي ترتاح.
ابوريم: لاريامي بنتأخر و انتي باجر عليج دوام في الجامعه
ريم: فديتك كل شي يتعوض الا صحتك.
بعد رجاء ريم والحاحها على ابوها وقف السياره.
عطته ماي وقعدت تراقبه وهي ترتجف خايفه عليه وماتعرف شو تسوي . تحاول معاه يخليها تتصل على خالد ولا عبود عشان ياخذهم لكن ما رضى قالها شوي و بيكون كل شي تماام .
كل شوي تلاحظ على ابوها الالم يزيد ويتغير لون ويهه.زاد خوفها
ريم: فديتك خلني اتصل على خالد ولا عبود اينا
ابوريم: لاريامي بيستهمون الحين بيروح التعب.
فجأه اغمى عليه وصار ويهه احمر . قامت ريم تصارخ ماعرفه شو تسوي تحاول توعيه ترشه بماي لكن ما في فايده..
ريم وهي تصيح: ابويه..فديتك رد عليه..قوم لاتخليني بروحي ليتك سمعت كلامي ...رد عليه لو بحركه بكلمه..
ريم تحاول تفكر شو تسوي في اخر شي قالت ما شي طريقه غير اني احط ابوي على الكرسي الثاني واسوق السياره..
نزلة من السياره تحاول تشيل ابوها لكن ما قدرة قعدت تصيح وتحاول بكل قوة عندها..حاوله توقف حد يساعدها لكن الكل طنشها...
مرة سياره مر سيدس لونها اسود كاملة مخفي مسرعة أشرة له عشان يساعدها في نقل أبوها لكن كان مسرع وما وقف..يأست حد يوقف ألها ..لكن دقايق ورجع راعي السيارة المرسيدس ..
الي في السيارة اسمه حمد مخلص دراسه يشتغل في الاتصالات ..
وصل عند ريم وفتح الدريشه
حمد : السلام عليكم
ريم كانت مشغوله مع ابوها وهي تصيح مانتبهت له..رد وهرن ورفع صوته..
حمد : السلام عليكم
ريم وهي تمسح دموعها : عليكم السلام
ما صدق حمد في خاطره يقول شو هالقمر ..
حمد على طول انتبه على ابوها انه مش طبيعي و صحي و صحي للغاية نزل من السيارة بسرعه.
حمد: أختي شو صار؟؟..... طلبتي الاسعاف...؟؟؟؟
ريم وهي تنتفض خايفه : ما ادري..... لا ............ ما ريده يموت ارجوك اغلى شي في حياتي ما اريده يموت ..
حمد على طول شال ابوريم هي واقفه مكانه مرتبكه ..صرخ عليها فتحي السياره بسرعه..
ريم وهي مرتبكه: أي سيارة.
حمد : سيارتي الباب الي ورا ..
فتحت الباب حط حمد ابوريم في الكرسي الي ورا منسدح وسكر الباب..
ريم : وانا ووين اركب لاتخليني بروحي اريد ايلس عداله..
حمد: وين تركبين ....؟؟ ماشي اه ركبي جداام..
ريم: مستحيل ما اريد...اريد ابويه.
فتح الباب الي جدام وقالها بحزم يالله اركبي بسرعه ماشي وقت استسلمت وركبت جدام راح حمد يسكر سيارتهم عشان ما حد يسرقها وهو يقفل السياره سمع صوت تيلفون يرن في السياره شاله وسكر السياره وراح صوب سيارته..
حمد: أختي هذا التيلفون يرن في السياره لقيته.
ريم: مخنوق صوتها : مشكور ..
حمد: أقرب مستشفى علينا المفرق بنروح صوبه... هذا الوالد ولا انا غلطان؟؟؟؟
ريم ما ترد عليه كان نظرها صوب ابوها و صوب الشارع تراقب متى توصل وادموعها تنزل حمد يسألها وهي في عالم ثاني.
فجأه رن التيلفون مانتبهت لانه كانت عينها على ابوها
حمد: أختي التيلفون يرن...ماردت عليه...دق كتفها التيلفوون يمكن حد من الأهل ..
ريم: خير شو فيك
حمد: ماشي التيلفون كان يرن.
طبعا ماردت عليه ورجعت تشوف ابوها ولاحظت ان ويهه يتغير لونه وحالته تسؤ عن اول..
صرخة عليه ارجوك اسرع ماريده يمووت... حراام لاااااااااا يااااااااااااربيه ابوويه استحمل على شان عشااان خاطري وهي تصيح هالمره بصووت عالي ودموعها ماليه ويها...
حمد تفجأ واسرع السياره ..يمر الوقت كأن الثانيه الوحده ساعات

حمد: هدي اعصابج الحين بنوصل المستشفى أن شاء الله
ريم تصرخ في ويهه: انت ماتعرف شو بالنسبه لي ابويه حرام عليك انقذ حياته ....قعدت تصيح وتترجاه.. يرن التيلفوون مره ثانيه وهي مش منتبهه..كان الي يتصل خالد مستهم عليهم ليش اتأخروو هالكثر قرب يأذن العشا وهم ما وصلوو.
حمد: أختي شيلي التيلفون يمكن ضروري.
ريم وهي تصيح ردت على التيلفوون ..خالد الووو...الوووو
ريم وهي تصيح وكلامها مش مفهووم : خلودي ...ابوويه..ما كملت كلامها وقعدت تصيح..
خالد: ريامي .ليش تصيحين شوو فيه ابويه شوو صارر...الووووووووووو...ريااامي ..ما قدرت حمد وسحب التيلفوون من يد ريم.
خالد: الووووو..رياامي شو فيج ردي .
حمد:السلام عليكم..
خالد مستغرب: منووه انته وليش ريااامي تصيح ياويلك اذا سويت فيها شي ما تلوم الانفسك..
حمد: الغالي هدي اعصابك..ما صار الا كل خير
خالد وهو معصب: رد عليه شوو صااير ؟؟؟؟
حمد:الغالي معاك حمد ..ما عرف شو يصيرون لك الي معايه لكن اطمن بخيرهم لكن...............
خالد: لكن شوووووو تكلم طيحت قلبي
حمد: الدينار جزائري الي معايه شوي تعبان والحين احنا مقربين من مستشفى المفرق
خالد: ابوويه شوو فيه كيف تعبااان مافهمت عليك
حمد: الغالي والله ما ادري..ريم تصرخ وهي تصيح اسرع بيمووت شووف كيف صاار لونه..فديتك ما اريده يمووت..
خالد: حمد...
حمد: لبيه
خالد: انا في دبي يمكن اتاخر عليكم لين ماوصل ما وصيك دربالك عليهم لحد ماشووف حد من الاهل يروح صوبهم..
حمد:لاتشيل هم اهلك في عيوني
خالد:تسلم الغالي
سكر حمد عن خالد وصلوو المستشفى دخل حمد الطوارىء وخبرهم انه عنده حاله مستعجله في السياره...خلص كل اجرأت الدخوول وكانت ريم يالسه مع ابوها ما فارقته لحظه وحده رفضت تطلع من الغرفه..
الطبيب يقوول لحمد لازم نسوي له عمليه بسرعه وأي تأخير في العمليه يأثر عليه
حمد: بصراحه انا مش من اهله ومالي صله فيهم ما اقدر اتخذ أي قرار
الطبيب: البنت الي عنده شو تصير للمريض
حمد:بنته على ما اظن
الطبيب: لاازم اكلمها..
حمد: ارجوك لاتكلمها ما تشووف اعصابها مدمره اخاف يصير فيها شي اذا قلت الها وما حد هنيه من هلها ... اخوها الحين بيوصل ان شاء الله ..
الطبيب: ننتظر اخوها واذا ما وصل بعد ربع ساعه على الاقل لاازم تتخذون قرار العمليه.. حمد : اوكيه
حمد يالس يراقب من بعيد ريم وهي تحب راس ابوها وعيونه ويدينه ودموع تنزل
ما يخفى عليكم كانت ريم رائعه في الجمال وبيضاء وما عليها كلام..
حمد في خاطره يقوول حراام هالعيوون تنزل منها دمعه ليت اقدر امسح دموعها
وهو قاعد يطالع لاحظ دينار جزائري رايح صوب ريم وقعد يكلمها كان ولد عمها سيف ..راح صوبهم حمد : السلام عليكم
سيف : عليكم السلام
حمد: معاك حمد
سيف وهو مستغرب: والنعم ...خير الغالي شي في خاطرك..
حمد: انته خالد..
سيف : لا ولد عمه...لحظه انته الدينار جزائري الي كلمه خالد
حمد: هيه انزين الغالي ممكن لحظه شوي اكلمك
سيف:طلع معاه وقاله حمد عن كل الكلام الي قاله الطبيب وعن العمليه وفهم شوو أضرار و أخطار الي ممكن تصير لو ماسوى العمليه راح سيف صوب الطبيب واتفاهم معاه على كل شي ووقع على العمليه..
سيف يكلم حمد: اسمحلنا تعبناك معانا..
حمد: لاتقول جذيه افاا عليك تعبكم راحه
سيف : تسلم.. دخل عليهم خالد وكان باين على ملامحه الخووف والربكه
خالد يأشر على حمد: اكيد انته الي كلمتك ...
حمد : هيه انت خالد
خالد: وين ابوويه شوو صااار فيه ..؟؟؟؟؟؟؟؟؟؟؟ وين ريااامي ......؟؟؟؟؟؟؟
سيف : خالد لاتشيل هم كلهم بخير عمي الحين يسون له عمليه وكل شي ماشي تماام...وداه سيف صوب رياامي في غرفه الانتظار اول ما شافته ركضت ولوت عليه وقعدت تصيح ...بعدها مشت الامور وترخص عنهم حمد ورجع العين
اما سيف اصر على ريم انها ترجع معاه العين ويبقى خالد عند ابوه ..رجعت ريم العين مع سيف و عرفت ام ريم بكل الي صاار كانت حرمه مؤمنه بلي صاار قعدت تصلي وتدعي لابو ريم ..
_____في الطريق في سياره حمد بالتحديد ____
حمد في السياره قاعد يفكر بكل الي صاار له وطبعا صور 2014ة ريم ما راحت عن باله يفكر فيها وما يدري شوو السبب..وصل البيت توه بينزل من السياره فجأه سمع تيلفوون يرن النغمه مش نغمة تيلفوونه ...كان تيلفوون ريم نسته في السياره قعد يدور الصوت لين مالقه شال التيلفوون معاه ودخل البيت
حمد:السلاام عليكم
أم حمد: عليكم السلام مرحبا مليوون بالغالي زينك تأخرت ..
حمد:...شحالج الغاليه..
ام حمد:بخير فديتك بس ما قلت لي ليش تأخرت...قعد حمد يقول لامه كل السالفه وشو صاار معاه..
حمد مش متزوج عايش مع امه و ابوه في البيت عنده أخت أكبر منه متزوجه (موزه)
و أخو أصغر منه في سنه اولى جامعه ( محمد) وأخت في الثانويه العامه (عوشه)
أم حمد: لازم باجر تروح وتطمن على الدينار جزائري .. ما قلت لي شو اسم الدينار جزائري
عوشه دخلت عليهم : منو الدينار جزائري ... ليكون خطيب خخخخخخ
حمد:شف وين داخله عرض في السالفه..
عويش : اوووه عصب ما يستحمل أي مزحه دلووع امه
أم حمد: عويش بس عن الرمسه الزايده..
حمد: اميه اسم الدينار جزائري سيف محمد..
عويش : شو فيه ليكون ابو رفيجتي
حمد:شولج خص دووم داخله عرض
عويش : صدق اتكلم معاك يمكن هذا ابو بنيه كانت معانا في المدرس مفصله
ام حمد: تعرفينها عويش منوو فريجه
عويش : امايه اذا ما خب ظني هذي ريم بنت سيف الحين تدرس مفصل في التقنيه امايه ما تذكرينهم فريج سيف الي ساكنين في فله هزاع قريب على بيت ام ناصر
حمد : هيه كانت معاه بنيه سمعت ابوها يناديها
عويش : ريامي..
حمد : يعني عرفتيها
قعدو يسولفون وتخبرهم عويش عنهم ..ووصل بعدين ابو حمد وانضم الهم وقعد يسولف معاهم..

ـــــــــــ بعد يومين ____
ابو ريم بخير و بيطلع بعد كم يوم من المستشفى..كلهم مجتمعين عنده عياله واخوه خالد ( ابو سيف ) وعيال اخوه ..دخلت عليهم ام ريم وسلمت عليهم كلهم ..
ابو ريم : ام ريم وين عيل ريامي ليكون خليتيها روحها في البيت
ام ريم: لا الحين بتدخل بس وقفت تكلم وحده من ربعها في الممر..
ريم كانت واقفه مع الممرضه في الممر تكلمها .. تسألها عن احوالها واخبارها ومتى اشتغلت هنيه طلعت الممرضه ربيعتها من ايام الدراسه .. وبعد ما نست تسألها عن ابوها ومتى ممكن يطلع..في هالوقت كان حمد يدور غرفة ابو ريم عشان يطمن عليه ( في خاطره يقول ياليت لو اشووف ريم ) ما كان حد موجود غير الممرضه الي واقفه معاها ريم راح صوبهن وسلم عليهن في هذا الوقت استأذنت ريم حتى تروح عند ابوها .. قعد حمد يكلم الممرضه ويسألها عن الدينار جزائري وشو صحته الحين ومتى ممكن يطلع وبعدين دلته على الغرفه..
ـــــــــــــ في غرفة ابو ريم ــــــــــــــــ
دخلت ريم عليهم وسلمت على ابوها وعمها وعياله رحبو فيها .. وراحت وقعدت على سرير عدال ابوها
ابو ريم: شحالج غناتيه ليش تاخرتي
ريم : سرك الحال كنت اكلم صديقتي برا وبشرتني بشاره حلووه..
كلهم قالو: شوو خير ان شاء الله..
ريم : ما بقوول اول شي كم تدفعون..
ابو سيف: على حسب الخبر..
ريم : اممممممممممممم .............
سيف : يالله عاد ريامي قولي بالا مساخه
ريم : خلاص ما بقول ما دامك انت رمسه..
سيف : مالت عليج ...
قعدوو يضحكون عليهم لانه كل ما يجتمعون ريم وسيف لازم يتفايضون
سيف: ما عليه ريامي انا ولد عمج ما حد يدلعج غيري..
ريم : وعععع دلعني .. ما بقول عناد فيك متى بتروح انت وعبود لاني اعرف عبود بيخبرك..عشان اخذ راحتي واقول الخبر..
سيف : هين هين..
ريم : يالضبان ههههههههههه
ما قدرو يستحملوون قعدوو يضحكوون ..
ابو ريم : يالله ريامي وغلاتي عندج قولي عشان خاطري..
ريم: اممممممممم .......
سيف : ما بتقول ما عندها شي اصلن ( يقايضها عشان تقوول )
ريم : لا عندي خبر وعناد فيك بقوول ...ابوي بيطلع من المستشفى بعد باجر..
كلهم :قولي والله اذا الخبر صحيح تستاهلين هديه بس منوو قالج..
ريم: سر العصفوره
فجأه سمعوو دق على الباب ..
ابو سيف: سيف ولا عبود واحد منكم يروح يشوف منو عند الباب يمكن حد من الريايل ..
سيف: ان شاء الله ابويه..كان عبود بيقوم لكن سيف حلف عليه انه هو الي بيشوف منو عند الباب ..راح وفتح الباب طلع حمد عند الباب سلم عليه ورحب فيه قعدو يسولفون عند الباب ..
سيف : لحظه اسوي لك درب ..
حمد: خذ راحتك
سيف : ريامي يالله روحي داخل الغرفه
ريم: ما بروح بقعد عند ابويه..
سيف بشده : دينار جزائري بيدخل
ابو سيف : منو الدينار جزائري يا سيف
سيف: هذا حمد الي مساعد عمي وموصلنه المستشفى
ريم : بدخل بس عشان خاطر ابويه بس دقيقه ترى مش اكثر..
سيف يطالعها : انزين يالله عاد الدينار جزائري يرقب برا..
دخلت ريم الغرفه مع امها وتذكرت اليوم الي صار فيه الي صار حاولت تذكر ملامح حمد لكن ما قدرت ..
دخل حمد وسلم عليهم وتحمد لابوريم بالسلامه وبلغه سلام ابوه.. ريم كانت تريد تشوف حمد من فتحة الباب لكن سيف خرب عليها واقف جدامه يصب له القهوه
دخل عليهم خالد في ذاك الوقت قدرة تشوف ملامح من حمد في الوقت الي سلم على خالد ...
ابو سيف: ما قصرت مشكور يا حمد على كل الي سويته لاخوي طول عمري ما بنسالك هذا الجميل والي تريده يوصلك امر انته بس.. ولاتستحي
حمد: تسلم عمي ما سويت الا الواجب ... أي واحد في مكاني بيسوي الي سويته وبعد يمكن ازود اسمحولي اذا قصرت معاكم ولا شي..
قعدوو يسولفون بعدين استأذن منهم حمد لانه كان عنده شغل وقبل ما يطلع ..
حمد: اسمحولي نسيت هذا التيلفون نسته بنتك في السياره يوم الحادثه ..ما قدرة ايبه لكم كان عندي شغل ..لكن والله ماسويت به شي ولارديت على أي مكالمه
ابو ريم : مشكور ليش متعب نفسك التيلفون واصل وافا عليك ليش هالرمسه انت واحد من عيالنا..
حمد: لاتعب ولا شي ... المهم شي بالخاطري اسمحولي انا بروح
ابو ريم وابو سيف : سلامتك الله يحفظك
ريم نست التيلفون ولاكان على بالها انه تيلفونها عند حمد لانها كانت مشغوله على ابوها وكل همها يقوم بالسلامه..
خالد: ريامي وين عيل مايت غريبه.
ريم : لا انا هنيه ...
عبود وسيف: باسم الله سكنيه ماتنطرى ..
ريم : ما عليه بعدين نتفاهم انا محشمه الي موجودين
ابو ريم : ريامي هذا تيلفونج يابه الدينار جزائري
ريم : اووووه نسيته ... مشكور والله ماقصر..
سيف : الحمدلله مانست نفسها بدال التيلفوون..
عبود: يمكن كانت بتنسى نفسها بس غيرت رايها في اخر لحظه
ريم : عمي ما تشوفهم..
ابو سيف : بس سيف وعبود ماتستحوون
سيف : عبود حبيبي شكلنا ما يردونا يالله نرووح ما النا غير بعض
عبود: يالله حبيبي مساكين انا وانت مظلومين
ريم : فلم هندي سوو ... انتو مساكين
قعدوو يضحكون عليهم عبود وسيف ربع من يوم هم صغار مع ان سيف اكبر من عبود لكن ينفعون لبعض نفس الافكار والتصرفات..
طلع ابوريم من المستشفى والكل فرحان ومستانس سوى ابو سيف عزيمه بمناسبه خروج اخوه من المستشفى عزم كل الاهل والقرايب واكيد مانسوو حمد الي له الفضل بعد الله في نجاة ابوريم من الموت..










اذا شفـــت ردودكم الحلـــــووهـ راح اكمـــل مــع احــــداث احلـــــــــى

موضوع مقدم من منتديات ديزاد
منتديات ديزاد باتنة




©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©