موضوع مقدم من منتديات ديزاد
منتديات ديزاد باتنة
واحد اسمه خالد حب له وحده وهي تبادله نفس الشعور
فجأه دون مقدمات اصيب بمرض الخبيث
وصى صديقه هذي الوصيه(يصيح)




وصاتي لك من بعدي تموت فيها علشاني
ابيها تعيش وتحيا بك واظل بالذاكره مفقود

وصاتي لك تنسيها ملامح وجهي وتنساني
وتعزفها قصيدة رائعة حب على عكس اللي عزفته بعود

وصاتي لك تبعدها عن اشعاري وقيفاني
تراها مغرمه بالحيل ويشهد لي عدد الردود

وصاتي لك تسايرها ترى فيها من احزاني
طلبتك لايضيق بالك طلبتك والطلب مردود

وصاتي لك تناديها حياتي..عمري..ازماني
انا عودتها دايم ادلعها وانا موجود

وصاتي لك تعاملها بطيبة قلب واحساني





تراها تذرف الدمعه ودمعتها بليا حدود

وصاتي لك تحفظها سور وايات قراني
وتخبرها عن الميت رحل ولايمكنه بيعود

وصاتي لك ترسمها على قبري واكفاني
ابيها لوحه تبقى على طول الزمن محدود

وصاتي لك تمازحها واشوف الضحكه باسناني
سعيتك ياضحك هالكون طلبتك لاتصير جحود

وصاتي لك تقهويها من دلالي وفنجالي
تراها تعشق السمراء ويكفيها دخون العود

وصاتي لك تركبها على خيلي وعلى حصاني
وربي فارسه من قلب شهادة ماهي لشهود

وصاتي لك تسفرها بلاد الشام ولبناني
ترى يحلالها تقطف ورده من بين الورود

وصاتي لك تراقصها على الحان رحباني
ترى فيها عرق خالة وفيها من جنون السود

وصاتي لك تحببها فأبو نوره بعد هاني
وتنسيها ندم غلطه انا فيها ترى المقصود

وصاتي لك تكرهها في تاريخي وعنواني
ابيها تلعن اللحظه وتلعن كل فرح موعود

وصاتي لك تكلمها عن المجني وعن الجاني
وتخليني انا الظالم وانا من حرق الخدود

وصاتي لك تشبهني بدم احمر قاني
وانا هالقاتل السفاح مجرم من عصر نمرود

وصاتي لك تحلفها تتوب تحبني ثاني
ترى يكفيها ماعانت ويكفي حيلها مهدود

وصاتي لك تنسيها وصيه قالها لساني
انا اخبرك رجل موقف وانت قدها وقدود

صديقي مالقيت غيرك يعرف وشلون تنساني
امانه ضمها بقلبك ترى خالد رحل مايعود

موضوع مقدم من منتديات ديزاد
منتديات ديزاد باتنة




©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©