موضوع مقدم من منتديات ديزاد
منتديات ديزاد باتنة
مشيت اتسكع فوق ضفاف النيل
جا النسيم اداك شبال
و المراكب
جيت المشرع
شان اشرب
قال لي
السمحة فاتت بجاي
نسيت عطشي
و مسكت دريبا سوساي
اساسق بيهو يوماتي
قبل حبك
شفت الليلة غريب
كأني ما مشيت بيهو
و لا شافني لا شفتو
غنيمات الشفع شردن
سخلاتن شبن رضعن
و اماتن فوق شجر السدر رتعن
و مسك دربي





فوق دربك اقص
اسأل كل رملة
تضحك تهمس لي رملة
و يتغامزن
قال للنملة
الرسول كان توريهو
سكتت النملة
و ما وشحت بالسر
سألت قطرة ندى
عنك
ابت تفك طلسم الحيرة الرنه
و جات من ساعته الونه
تزن في اضني
أظن ظن شركة ابليس
وقت طرد من الجنة
إلا
قلبي ما شك تب أو ظن
عشم في رجا المولى
و مسك الدرب تاني و ادلى
لقى النجمات هناك في الشاطيء
قاعدات لهن في لمه
و نم نمه
و حلق من عطشو لا فتر
لا انجمه
سواليك مواويل جمه
في وصف حسنك
و خلق كتير ضمه
و قبل ما يفرن
قاللي
جيت في آخر القطر يمه

موضوع مقدم من منتديات ديزاد
منتديات ديزاد باتنة




©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©