موضوع مقدم من منتديات ديزاد
منتديات ديزاد باتنة
جروح الغالي اللي كل ماغابت ترد جروح= مع الذكرى ليا حلت بقلبٍ زادت جروحه
قصيدي قام يدعيها على نزفٍ وسبك وبوح= يعبّر عن جروحٍ مبطيه وجروح مفتوحه
ليا منه تعذر والصدى ماقال له مسموح= نهى روحه ولكنه لقى روحٍ مع روحه
اذا عسعس ظلام الليل هجسه مقبلٍ ويروح= على جرحٍ من الماضي غداله جيه وروحه
اخايل في عيوني غيمةٍ براقها له لوح= ليا شعشع سنا برقه تكاشف جوه بلوحه
ليا هلت على قاعٍ تزّم بوردها ويفوح= انا من قبل اجي قاعه جذبني فالشذا فوحه
انا عيني على طيرٍ نصب له شبكه الطاروح= يتل الصيده وخلا شباك الصيد مطروحه
بحرها من بحرها يتعب الغواص والسابوح= ظلامٍ في ظلامٍ ٍغارقٍ في ليل سابوحه
ثقيل اثقل من طويق وخفيف النفس فيه مزوح= هبيل القلب لاشافه يحسبه سهل بمزوحه
اجل وشلون لامنه نظر في محجرٍ ذابوح= سليم العقل لاشافه بداله سده وبوحه
تلاقينا بعد غيبه وشوقٍ للقا مفضوح= يقول اثر الغلا فضّاح وعيني فيه مفضوحه
رفعت الليل عن وجهٍ خجولٍ والضمير يبوح= رسى حبه على قلبٍ يموت وما اعلن نزوحه
مشاعرنا مثل طيرٍ وحبه ينكسه للوح= ليا ضاقت عليه الارض اخذ في جوّها سوحه
بناله في عروق القلب منزالٍ وفيه صروح= ترى ماهي غريبه لاجلس في عالي صروحه
تعطّر به قصيدي بين منزالٍ وبين نزوح= حروف الشوق ولغيره ترى ماهي بمسموحه





مشاعر حب تنزف له وقلبٍ بالغلا مفتوح= وفي عقلٍ رسم حبه هواه وغاية طموحه


موضوع مقدم من منتديات ديزاد
منتديات ديزاد باتنة




©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©