لحظه على الايميل جتني رساله=مرسولها سيد الدلع والجمالي
بنت خذت زين البنات وجماله= حتى غدت للزين مضرب مثالي
قالت ياشاعر قلت شاعر جزاله=يابنت انا ما اقول غير الجزالي
انا من اهل الطيب واهل الشكاله=واهل الشعر من ماضياتي الليالي
قالت مادام الشعر عندك مجاله=تكفى تغزل و تحلاب بي وعطني مجالي
قلت ابشري ياخوختي يالغزاله= لايا بعد كل ا لظبى والغزالي
ياسيدة كل الحسن ياجماله= ياأم الجمال اليوسفي والشمالي
يالبرتقاله كان به برتقاله= ياأجمل بنات الكون بأول وتالي
الزين فيها جامع اجمل خصاله= مالاطرا في بال غيري وبالي
في وصفها الجاهل يعشق الجهاله= من خوف يخطي في وصوف الدلالي
وفي وصفها العاقل تجيه الهباله=ويحتار بين الواقعي والخيالي
بنت ليا غاب القمر هي بداله = حتى لو أن البدر ماله بدالي
تستاهل التقدير بنت الاصاله=غالي ولجله مرخص كل غالي
حتى الغزل و تحلاب فيها قصار حباله= يقول انا معذور ياابن الحلالي
هذي ترى للزين صارت وكاله= حتى رقت بالزين روس المعالي
عز الله اني مااعتمدت الاطاله=لكن هذا ياعرب ماجرالي
اهتز بالي عقب ذيك الرساله= حتى كتبت اليوم ماذا طرالي
م ن
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©
رد مع اقتباس
