بسم الله ابداوارسم الحرف تعبير
واطيّب المعنى بوافي علومه
سبحان من كور لنا الكون تكوير
اللي خلقنا ساعة وسط يومه
سبحان من هيئ لنا جنّح الخير
وانفوسنا للخير دايم ضلومه
من لاذكر ربه وكبره تكبير
لاخيرفي قلب(ن) سقيمه عزومه
اللي وهبنا خلق ميّز عن الغير
من قبل وش كنّا حياه معدومه
ماكل قول(ن) له مفسّر وتفسير
ولاكل رجل(ن) تمتلي به هدومه
من لايخدر حرف معناه تخدير
ما طاب معنا جملته في لزومه
من وقّف بوجه الغبار المعاصير
يموجه التيار في وسط كومه
من لاعرف دربه وقاس المعايير
عساه يبقى طول عمره بنومه
ما ينفع الفايت كثير التبارير
ولا يلهب الرمضاء رياح(ن) سمومه
من لاعرف مغزى هلّ المسك والكير
تكثر عليه اهموم ماهي همومه
يبقى على طبعه علج دايم صغير
ماتعرف الخطوه تجاري كمومه
الصبح لوّح من سناه الشراشير
واولج نهاره في سماهر نجومه
شتت سكون اليل مع صحوة الطير
واوفا برزق الخلق حتى خصومه
للشر وإلا الخيرلك فيه تخيّيّر
ربٍ رحوم(ن)يبدي الخيردومه
دنيا عطتنا زينة العمر تغرير
اغرت كبود(ن) من بطرها تخومه
مثل العقارب ساعة العمر تقدير
ضعناعلى طول الزمن في حلومه
بعض القلوب أتدوّر الشر تدوير
حبت سمات الشر لجل النقومه
الذنب ليمن صار مافيه تحوير
الا إنه لربه يحاسب اهمومه
العمر صور 2014نا على دق تصوير
لين اصبح التفكير فكره خصومه
وقت يحيّر صافي الذهن تحيّيّر
من لايعرف البحر يغرق بعومه
وسلآمتكم
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©
رد مع اقتباس
