موضوع مقدم من منتديات ديزاد
منتديات ديزاد باتنة
ليلة البارحه هوجست بالوقت كلي
لين بيحت مكنون الخوافـي بليلـه
ماجفوني ولكن مابقى غيـر ظلـي
والمشاريه واجد والصداقـه قليلـه
اتشره ولا القى واحدٍ فاطـنٍ لـي
غير شعرٍ نتل قلب الضلوع النحيله
السوالف تسلي والأمانـي تسلـي
والبشر ضحكته بالوجه ماهي دليله
كل نجمٍ هوى من عقب ماهو معلي
مايعود ولو بالقلـب كـلٍ يشيلـه
عادة الوقت من نفس المعاند يذلي
ويتهاون إليا شاف النفوس الذليله





الرجل دمعته ماهو بعيـبٍ تهلـي
لكن العيب تصبح عن طموحه بديله
والبنادم حياتـه عقـدةٍ ماتحلـي
غير في طاعة المعبود رب النفيله
راحت ايامنا والعمر معهـا يولـي
والحياة انتجرعها وهي حنظليلـه
ليلة البارحه مرقادهـا ماحصلـي
لين بيحت فيها ضيقـةٍ مستحيلـه


موضوع مقدم من منتديات ديزاد
منتديات ديزاد باتنة




©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©