موضوع مقدم من منتديات ديزاد
منتديات ديزاد باتنة

.


.


.




مدخل :

للي لعشرتهم تهآدوا وصآنوا ..
.......... انا لهم / .. لو عوج الايام ( لحّت ) !
وفّيت يوم ان اكثر الناس خانوا ..
.......... واعطيت يوم ان اكثر الناس شحّت !





للحين / وجهي منكسر في مراياه !
.............. للحين / اذكر كيف ضقت وبكيته !

قبل الحنين يجيب دمعي من اقصاه
.............. اخذت .. دمعي في يديني وجيته !

جيت المكان اللي شهد يوم فرقاه
.............. معي كلام ( يموت بي ماحكيته ) !

كني طفل راجع لحضنه ومربآه !
.............. يدوّر .. امّه بين ( حيّه وميته ) !

محروم .. الا من جروحه وذكراه !
..............( فقير ) الا من شموخه وصيته !

من يومها وانا ادوّر على اشباه !
.............. ترد لي عمراً قضى , ما ابتديته !

ياكثر مافيني من الضيق وال ( آه )
.............. اكثر من الحرمان , لامن طريته !






كثر العذاب اللي سكن في هداياه !
.............. كثر الأمل ( لاقلت بأني لقيته ) !

رغم ( السنين ) اللي مضت اتحراه
.............. عجزت اقول اني [ كبرت ونسيته ] !

مديت له قلبي .. وروّح وخلاه
.............. الظاهر انه : ماعرف وش عطيته !


..


‫مديت له قلبي وروّح وخلاه‬‎ - YouTube


..
..
..




مخرج :

حبيبة العمر جعل الله .. يسامحها ! ..........
راحت بعد صرت شاعر وأبتدت فيني
لو مافضحت الشعور الشعر يفضحها..........
ولو مابكيت الوداع اش عاد يبكيني ؟

موضوع مقدم من منتديات ديزاد
منتديات ديزاد باتنة




©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©