موضوع مقدم من منتديات ديزاد
منتديات ديزاد باتنة
غـــــــــــــــــــ الخناجر ــــــــــــــدر


عفا الله عن خطا غدر الخناجر والضلوع أبطال
بسامح وأتركك تحت الظلام لحالك لحالك
دخيلك وفر دموعك ترى هدر الدموع ذلال
وترى مافيه أحد يصبر مثل صبري بغربالك

أنا عيب علي أنقض كلامي والرجال أفعال
وإذا قلت أقطع حبالك تراني بقطع حبالك
عشان أكسب هدب عينك تجرعت العذاب أشكال
وليتك ترأف بحالي علشان أرأف بحالك

مسوي في حياتي شئ ما ينذكر ولا ينقال
حشى حتى العدو وهو العدو ما يعمل أعمالك
تمسيني على الهم وتصبحني على الغربال
تقلطني فناجيلك وتكسر عني ذلالك

تحملت التعب لأجلك وأنا حملي يهد جبال
رحلت من العذاب وما وقفت إلا على جالك
عل*** كل ما جيتك متواضع جيتني تختال
معاك إلى متى بصبر وصبري معك يحلالك

مثل ما أقبلت لعيونك لزوم تلد لي بقبال
ومثل ما قد حشمتك حس وإحشم قلبي إشوالك
أنا محد بجابرني أساير معك هالمنوال
تراني ماني تبيع لك ولا ني بأصغر عيالك

أنا جيت أعشقك نبض ومشاعر ما أعشقك تمثال
أنا جيت أسكنك وأحياك وأبقى فيك وأبقالك
أنا جيت بظما عاشق تعب يطرد سراب الال
أنا جيت أستفز رضاك من فرقاك وألجالك

أنا ما همتبك عاقل أنا كنت أعشقك بخبال
أنا ما كنت أحبك حي أنا كنت أعشقك هالك
تخيل من كثر ما أخاف تلقى للزعل مدخال
أخاف أخطي على طيفك وأدوس برجلي أظلالك

تبعتك والعرب تتبع رعود البارق الهمال
وأنا شفت المطر يتبعك في حلك وترحالك
كأن إلي خلق حسنك خلقني مع جسدك إظلال
وصرت أقرب جسد يمشي معاك بقفاك وقبالك

أبي قلبك يحس إنه فقد بمحبته رجال
ملكته من هدب عين وخسرت رضاه بإهمالك
صحيح إن الفراق أقسى ولكن الوصال محال
وأنا صعب علي أرضي غروك وأضعف قبالك

بعد ما حققت عيني في بعدك للرقاد آمال
أعود للسهر ياخوي فال الله ولا فالك
ببدل نظرتك فيني وأجيلك كل يوم بحال
بكون أقرب من ثيابك عليك ولا تهيالك

بلمك وأنثرك وأجمعك وأرجع وأنثرك بهمال
بخونك وأزعلك وأرضيك وأزعل منك وأرضالك
أبرسم بالثرى وجهك وأبدفن صور 2014تك برمال
أبشكي للعرب فرقاك وأضحك عند عذالك

أبهديك الوصال فراق وأهديك الفراق وصال
بسوي مثل ما أشوفك تسوي وأفعل أفعالك
عشان تعرف من فينا الزعول ومن وسيع البال

أبيك تذوق فنجالي وأنا بذوق فنجالك

نصيحه وأحتفظ فيها قصر معك الزمن أو طال
أبي تسمع كلامي زين وتحطه على بالك
إذا حبك هبال أطفال فلك عندي هبال أطفال
ولا وأبشر بعد بهبال حب مهو بهبالك






وإذا قصدك تهين إسمي عشان تشمت العذال
حشى لا أنت ولا غيرك ولا عشرة من أشكالك

موضوع مقدم من منتديات ديزاد
منتديات ديزاد باتنة




©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©