موضوع مقدم من منتديات ديزاد
منتديات ديزاد باتنة
يا خوي لاتجرح ترى الجرح ماطاب
==========وشلون يبرى جرح وحده " يتيمه "
عشرين عام وخآفقي منك منصاب
==========ظلمتني رغم الظروف الأليمه
كنت أحسبك لاضقت تشره وترتاب
==========وتفز لي فزة غريم لـ غريمه
فزة "بدو" لآرحت رآحت به أرقاب
==========وَكلن فزع من شان يحمي حريمه
والا انت يا خوي مواصيلك اتاعب
==========سببت لي يا خوي صدمه اليمه
واكبر قهر الجرح لا جا من اقراب
==========وانت ارتكبت بحق اختك جريمه
هاذي دموعي تصطفق بين الاهداب
==========حتى ما عاد لدمعتي اي قيمة
اهلها من دون موعد ولا أهم أسباب
==========عيني تهل دموعها تقل ديمه
وشعر الجدايل من ردى واقعي شاب
==========وشلون ترضى لاخيّتك بالظليمه
ضبعه كلت ضبعه وحيّه كلت داب
==========والجرح يكبر والمواجع جسيمه
بنت الشيوخ اللي سنى نورهم غاب





==========رغم العطش والجوع ابقى عظيمه
اللي لهم بالمجد طلعه ومرقاب
==========ريف الضعيف ولاادبر الوقت غيمه
ما بيني وبين الولي شبك وابواب
==========خيرات ربي دايمه مستديمه
ستر وغطا ليا سكر الباب
==========دامه معي مابي قلوب رحيمه
الله اكبر منك هو رب الارباب
==========يبري جروح بالحشا مستديمه
زوجتني شايب وانا رغبتي شاب
==========ابني معه عش الحياة السليمه
عجزت لا القى فعلتك هاذي اعراب
==========رضيت لي كره العرب والشتيمه

موضوع مقدم من منتديات ديزاد
منتديات ديزاد باتنة




©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©