موضوع مقدم من منتديات ديزاد
منتديات ديزاد باتنة

لاتنشغـل فينـي أنابحالـي ادرى
قلبٍ تعلّق فيك ينسى مـع الوقـت
اكثرمن اللي صارلي ويش يجـرى
بين الرجاوالياس فكـري تعلّقـت
مثلي ولوشفته عن همومـه ازرى
ماقال ليتك في جروحـه ترافقـت
هاك القصايد لاتضايقـت واقـرى
شف وشكثرفيها لبسماتـك اشتقـت
أثرالوفـا ينبـاع عنـدك ويشـرى
ماكنت اصدق فيك واليوم صدّقـت
يامشتهي فرقا المواليـف حـذرى
تبعد وأنا من سكرة الحب مافقـت
لاطافت الفرصه تحريت الاخـرى
وتـروح ماكنـي عليهـا تشوقـت
ساري لو إن الليل مافيـه قمـرى
اشيل من حمل الهوى فوق ماطقت
لاصارحـظ أقشروالايـام قشـرى
مافيه احد عاقل يلومك إلياضقـت
صحيح بعض الناس فرقاه بشـرى
وبعض البشرلاغاب ليله تضايقـت
ليتك خذيت بليل الاحباب مسـرى
غربت من كثر الطواري وشرّقـت
السيل يبقاله على القـاع مجـرى
ويبقالـك التذكارلوكنـت فارقـت
اشوف لك من وين مارحت ذكرى
ولاشفتها صديـت عنهـا ودنقـت
ماكل جـرحٍ لاخـذا أيـام يبـرى
بعض الجروح يزيد شره مع الوقت








موضوع مقدم من منتديات ديزاد
منتديات ديزاد باتنة




©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©