موضوع مقدم من منتديات ديزاد
منتديات ديزاد باتنة


مثل ذيك السنه وأكثر أنادي ، والنِدَى ما يفيد
بـ قلبي شوق لو حسّيت به .. يقلب موازينك

أردّد " عيـدك مبـآرك " عسى كل عام وإنت سعيد
وقلبي يرتجي وصْلِك . . . يا غالي ، وفاقدٍ زينك

حبيبي هالزمن يضحك ، على جرحي . وإنت بعيد . .
وجيت من الشتـآت أسآل بعد، جـرح آلزمن وينك. . !!?

إذا يرضيك تستقبل بدوني . فرحتك بـ [ العيـد ]؟
شسوي بـ قلب متعوِّد يشوف العيد ، في عينك !






أنا ما جا على بالي غيابك ، إنت بـ التحديد ،
{ عنادك } . .
ليش ضيَّعني ؟
وقَف مابيني وبينك !

أنا ما جيت أبي منِّك , بعد جرحك . . تفك القيد :
أبيك تحس في ( قلـبٍ ) . . رفض ينساك ويدينك !

لك الله ، كل ما أضحك ألاحظ هـ الجروح تزيد !
تصدِّق [ ضحكتي ] صعبه علي , وسهله بـ إيدينك . .

أقول إن الأمل : باكر ,, يجي بكره ، بجرح جديد !
ورغم كل السنين اللي مضت لي . . { تكرم سنينك }

إذآ يرضيـك تستقبـل بدوني فرحتك بـ [ العيـد ]؟؟
شسوي بـ قلب متعوِّد يشوف العيد ، في عينك !
شسوي بـ قلب متعوِّد يشوف العيد ، في عينك !
شسوي بـ قلب متعوِّد يشوف العيد ، في عينك !

وإذا عادي الزمن يضحك على جرحي ، وإنت بعيد ؟
على هذا البرود اللي تعيشه . . .
( اللـه يعينـك ) !







دايم تفارقني قبل حزّة العيد . .
وأقول صدفه يعني هالشي [ وارد ] !

توّي عرفت المسأله بكل تأكيد :

مايجتمع عيدين في ووقت وآحــد.. !!


ــ///هـآلشعــر يجـوووز لـي مرره...وآتمنــى ينـآل إعجآبــكم

موضوع مقدم من منتديات ديزاد
منتديات ديزاد باتنة




©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©