موضوع مقدم من منتديات ديزاد
منتديات ديزاد باتنة


موضوع مقدم من منتديات ديزاد
منتديات ديزاد باتنة


ازيكو يا بنات
كل سنه وانتو طيبين دخلنا فى شهر رجب وروايح رمضان بدات تهل
اللهم بلغنا رمضان وانت راض عنا
انا جايبلكم انهارده حاجه لذيذه وسريعه وشيك ومغذيه
(جاتو بيتى بفواكهه الصيف) وبالجيلى كمان
وهو بصراحه بيتاكل ساقع كده بيرطب على القلب خصوصا ايام الصيف وطريقته ولا اسهل وكمان الموضوع صورته لعيونكم ولا 50 صوره


بينا نبدا بالمقادير



كيسين جيلى
فواكه منوعه (اللى متوافر عندك واللى بتفضليه)
بصو كان عندى عنب


ونكتارين وبرقوق وموز


ربع كريم شانتيه + لبن لضرب الكريمه
ديسك كيك اسبونج



او كيك عادى (عموما انا باعمل الكيك بزياده واشيله فى الفريزر يعنى الكيك ده من ساعه المسابقه بتاعه شم النسيم عملت اتنين واحده للمسابقه وواحده على الفريزر
وده مقاديره وطريقته تانى للى عايزه
مقادير الكيك الاسبونج

5 بيضات
كوب سكر ناعم مش بودر
فانيليا كيسين
بيكنج باودر معلقتين صغيرين
كوب ومعلقتين دقيق حلويات فاخر
حوالى 5 ملاعق ميه دافيه (فاتره )
معلقه محسن كيك جل
بصو بقى يا بنات الطريقه على السريع

انا باضيف المكونات كلها على بعض فى بوله واضربهم بالمضرب الكهربائى لحد ما يتضاعف كميتهم ولونهم يبقى فاتح زى الكريمه وسمكه العجينه يتقل كده
طبعا نبطن صينيه ونصب خليط الكيك ونسويه
فرن سابق تسخينه وبتاخد حوالى نص ساعه وتكون استوت

وكمان هنحتاج قوالب اى شكل ان شالله سلطنيات الشوربه
الطريقه الصور هتشرحها

هنا هنعمل الجيلى زى الطريقه اللى على العبوه بس انا باقلل مقدار الميه يعنى لو مكتوب كوب ونص بحط كوب بس عشان الجيلى يبقى متماسك وتقيل اكتر



ونقلب على النار ونتركه يبرد بس مش يجمد



نضرب الكريمه ونشيلها فى التلاجه



نجيب القالب بتاعنا ونقص على مقاسه جزء من الكيك كده

وبعدين نرص فيه الفاكهه بشكل متناسق وكل واحده حسب ذوقها



ونحط شريحه الكيك ونصب الجيلى نغطى بيه الكيك كده


وطبعا انا عملت فى كذا شكل قوالب وكمان عملت فى القوالب الالومنيوم عشان اسهل الدنيا على نفسى







ونحط القوالب كلها اللى عملناها فى التلاجه ساعه تجمد او حسب ما تاخد لازم يجمد الجيلى كويس
وبعدين نطلعهم ونكمل شغل


موضوع مقدم من منتديات ديزاد
منتديات ديزاد باتنة


[hj, fdjn ft,h;ii hgwdt < 'vdrm ulg


©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©