قصة ولادتي بابني الثالث (محمد)



بسم الله الرحمن الرحيم


السلام عليكم ورحمة الله وبركاته

من اول ماحملت كان الحمل ثقيل جدا ومتعب غير عن حملي الاول والثاني
صادف رمضان السابق بداية حملي حمل متعب ومجهد كثيرا
كنت اريد اقف على اقدامي مو كادره ولا اشتهي الاكل وصعوبه بالنوم جسمي نحلان وتعبان ومكسر دائما
كلت يالله يمكن حملي هالمره بنت لان بالاولاد الي قبله ماكانت تعبانه هالكثر
ويوم عن يوم يزيد التعب والارهاق وصادف ان سافر زوجي لاكمال السنه الاخيره للماجستير
ضليت وحدي اني واولادي الاثنين وحملي
الشغل والتسوق ومسؤولية البيت كلها على راسي
بداية الشهر السابع رجع زوجي بعطلة نصف السنه
الطفل من بداية الحمل وهو مغرض وجالس عالمقعد الى بداية الشهر التاسع الدكتوره كالتلي الحمل الحمدلله بوضعه الطبيعي وراسه بالحوض فرحت حيل وبديت امشي يوميه ساعين لتسهيل الولاده
باليوم الرابع كنت بالسوق وحسيت ماي نزل مني بغزاره لكن بدون الم
على طول اتصلت بدكتورتي وكالت اخذي كبسول التهابات ونامي على ظهرك وانتظري 6 ساعات
وبالفعل بعد 6 ساغات بالضبط بده الالم لكن احس الطفل عالي مو نازل
شويه شويه والالم يزيد ومضت على الطلوكه 5 ساعات اجتني الدكتوره للبيت فحصتني كالت الجاهل معرض وجالس عالمقعد وعالي مونازل
ادخل اديها متلكه جاهل تكول حيل عالي
الالم الي جاني موتني وفصل جسمي نصين وتمنيت لو اموت ولا يجيني هالالم الفضيع
كالت الدكتوره خذوها للمستشفى لان الحاله صعبه
رحت للمستشفى والفجر ياذن وصلت المستشفى مارضوا يستقبلوني الممرضات والدكتوره يصيحن ويغلطن عليه شنو مسويه بروحج ليش لاعبين بيج لارحم ولا انسانيه وانا واكفه ميته من الالم والوجع
اتوسلت بيهم وبست اديهم بس جيبوني لان رح اموت زوجي تعارك وياهم وكتب تعهد على مسؤليته يسوولي عمليه
وطبيت صالة العمليات والصياح والغلط من الدكتوره وتحملت بس اخلص
بعد ساعه صحيت وشفت حمودي نايم بالمهد وبطني توجعني وموكادره اتحرك
الحمدلله على كل حال لكن حيل تعبت واتاذيت من الطلك والعمليه
وراها باسبوعين كمت من العمليه تنتظرني عمليه ثانيه طلعتلي البواسير من كثر وقوة الطلك الي جاني عمر البيبي 40 يوم وسويت عملية البواسير
والحمدلله على كل خال
الله ليراويكم الي شفته

وهذي صورته بيوم طهوره


موضوع حصري لمنتديات شباب باتنة