الله يسعدكم ساعدوني

في البداية يابنات احب اشكر المنتدى الرائع والعضوات الحلوين انا لي ثلاث سنوات وانا اتابع المنتدى واخبارو ويشهد الله اني درت منتديات لكن ما ارتحت الا في منتدى سيدتي احس ان العضوات يساعدوا من قلبهم وصادقين في نصايحهم ودمهم خفيف(والله ماأبالغ) تمر علي ساعات وانا اموت من الضحك على الكلام الحلو والردود الحلوة علشان كدة قررت اني ما اخد مساعدة ولا نصيحة الا منكم
ندخل في الموضوع
انا ياحلوين قريب جاني عريس يكبرني بست سنوات عمرو 24وانا عمري18سنة العريس بصراحة فارس احلامي يعني زي ما اتمنيت وهو اتقدم لي في رمضان وطلب يدي من ابوي والكل موافق والحمد لله
وهو بعد كم يوم جاي يشوفني انا بصراحة يابنات اقول لكم اني مني حلوة مرة بس عاد مني وحشة
والعريس هدا نعرفهم من 18 سنة يعني يوم ولدت جا شافني وسلم علي وهو اللي معزم انو مايتزوجني الا انا حتى اخواتو وامو يبغوني لكن انا خايييييييييييييييييييييييييييييييفة والله تجيني حالات اتخيل انو هو بعد الزواج رح يضربني ويبهدلني وساعات اخاف اني مارح احمل وساعات يجيني خوف انو رح يخونني يابنات ادري انكم رح تضحكوا علي ورح تقولو اني هبلة(ترى انا اقولها لنفسي) بس يابنات طمنوني الله يسعدكم ليش الهواجس تجيني واخاف اكتر شي اني مارح احمل احس اني مارح اجيب عيال ليه كدة ؟؟؟؟؟؟؟؟؟؟؟؟؟؟ هدا وحنا ماشفنا بعض ماادري احس اني رح انجن او رح ارفض الزواج


موضوع حصري لمنتديات شباب باتنة