حلى الماركه بحشوة الاوريو والشعيريه الباكستانيه



السلام عليكم ورحمة الله وبركاته

اليوم جبت لكم حلى شكله مره راقي وطعمه جنان لازم الكل يجربه

اول شي هادي صورته

وهادي صوره للحشوه




المقادير:
بسكوت اوريو انا حطيت 20 حبه بس زاد
حليب سائل شويه
شعيريه باكستانيه
4 شوكولاته جالكسي ساده
شويه زبده تقريبا نص اصبع
حليب مكثف محلى


الطريقه:
نذوب الجالكسي بحمام مائي بعدين ندهن قوالب السيلكن بالشوكولاته وندخلها الفريزر لحد ما تجمد ممكن بعد ما تجمد تشوفي اذا في اماكن مو مدهونه تمام ادهنيها ورجعيها للفريزر لانه احيانا حتى لو دهنتيا كويس تشوفيها تنزلق شويه ما تمسك المهم بالنهايه غطيناها كويس

حشوة الشعيريه نحط الزبده ع النار لحد ما تذوب بعدين نحط الشعيريع بعد ما نكسرها صغار ونقلب لحد ما تحمر نرفعها من ع النار ونصب الحليب المكثف المحلى ونحرك لحد ما تصير متماسكه
نطلع القوالب من الفريزر ونحط بكل وحده شويه ونضغط عليها ونرجعها للفريزر


حشوة الاوريو
نفصل الاوريو عن الحشوه ما نحتاجها ونحط الاوريو ع النار مع شوية حليب تقريبا نص كاسه ونحرك لحد ما تصير زي العجينه بعدين نطلع القالب من الفريزر ونحط بكل وحده شويه ونضغط عليا نعبيها لانها اخر طبقه وندخلها الفريزر لوقت التقديم

و بالعافيه
موضوع مقدم من منتديات ديزاد (منتدى الحصريات)



©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©