حلى كيك سفن دايز بالصور



سلام عليكم يا بنات

كيفكم ان شاء الله طيبين

هدا اول موضوع ليا في المنتدى قلت اسوي حلى

فشوفو معايا الشرح طريقة بدون ثرثرة زايدة

اولا المقادير



علبة كيك سفن دايز
باكيت بسكوت شاي الحجم الكبير
2 ظرف دريم ويب
واحد ظرف كريم كراميل
علبة قشطة
نص كاسة حليب سائل
كاكاو 1 ونص ملعقة
4حبات جالكسي سادة


الحين نجي للشرح طريقة



اولا نفتح الكيك كدا



ونرصو كدا

وبعدين في الخلاط دريم ويب وكراميل وعلبة قشطة بس نبقي منها ملعقتين

وبسكوت وكاكاو وحليب ونخلط ونشوف القوام ادا كان مرة ثقيل نحط شوية حليب

عشان يكون قوامو مظبوط وبعدها نصب على طبقة الكيك



يكون كدا



وبعدين نسيح الجالكسي اللي عندنا في المايكروويف لمدة 15 ثانة تقريبا




والحين بعد ما ساح نحط معاه ملعقتين قشطة اللى بقيناه



ونصبو على الطبقة التانية



وتقدرو تسوها في الكاسات كمان كدا



الشكل النهائي




وبس كدا مررررة سهل ولذلذ كمان

الحين ابغا ردودكم الحلوة زيكم

لا تزعلوني وادا عجبكم قيموني

موضوع مقدم من منتديات ديزاد (منتدى الحصريات)


©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©