كيك بسيط وسهل وسريع ولزيز ... بس هالمرة من تحت دياتي ^_^









هاااااي صبايا

كيفكم ؟؟

كل عام وانتو بألف خير بمناسبة عيد الاضحى ينعاد علينا و عليكم بالصحة والسلامة


يمكن لاحظتو اني عم انزل وصفات بس مو من شغلي من شغل امي

وحبيت افرجيكم خبايص قصدي عمايل ايدي

فاليوم عملتكم قالب كيك عالسريع ، طريقته كتير سهلة وبسيطة وما بتاخد وقت

وان شاء الله يعجبكم ، وأي تقصير سامحونا لانو محسوبتكم لسا مبتدئة


وبسم الله نبدا ::





المقـــــادير :


كوب ونصف دقيق منخول ( ضروري يكون منخول لحتى ما يكتل )


كوب سكر


أربع بيضات


ملعقتين كبار سمنة او زبدة


أربع ملاعق صغيرة ممسوحة باكينغ باودر


ملعقة صغيرة فانيليا


ملعقتين كاكاو او مسحوق الشوكولاتة ( بتقدري تستغني عنه )


خلاط كهربائي ( هاد للخلط مو ضمن المكونات خخخخ )





ملاحظة : شايفين الصحن اللي حاطة فيه مسحوق الشوكولاتة

انكسر بعد ما خلصت عمل الكيك





الطريقــة ::


بنحط السمنة والسكر والبيض والفانيليا مع بعض في الخلاط وبنخلطهم لحتى نحس انو كل المكونات اختلطت منيح






بنضيف الطحين والباكينغ باودر والكاكاو تدريجيا مع استمرار تشغيل الخلاط


بنصبهم في قالب مدهون بطبقة خفيفة كتير سمنة او زبدة ومرشوش فوقها طبقة خفيفة طحين


بعدين بندخلهم فرن حامي على نار هادية






( ما صارلي فرصة اصور خطوات العمل لاني انعجئت شوي )


بتخليه حوالي ساعة الا ربع طبعا كل فترة وفترة بتطلي عليه بس بدون ما تفتحي باب الفرن ( ازا بتفتحي الفرن قبل ما يستوي الكيك بصير بيشبه كل اشي ما عدا الكيك )

بالنسبة الي الفرن تبعنا فيه ضو بقلبه فكنت كل شوي اشعل الضو واتفرج عليه >>> ما هو صار تلفزيون خخخخخخ


وبعدين لما يستوي ويتحمر بتطلعيه من الفرن >>> والله !!! اكيد ما ح ناكله وهو جوا الفرن














بتقدميه مع شاي او عصير او بيبسي متل ما بدك ههههه

>>> بالنسبة الي شربت معاه فيمتو


شفتو شو بسيطة


وصحتين وعافية على قلوبكم


موضوع مقدم من منتديات ديزاد (منتدى الحصريات)


©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©