الكبدة بطريقتين .. لا لأصحاب القلوب الضعيفة



[SIZE=4][COLOR=#800080] [font=Tahoma]

السلام عليكم ورحمة الله وبركاته

كيف الحال؟؟
ان شاء الله الكل بخير وتمام

النهاردة جبتلكو طريقتين فى منتهى البساطة لعمل الكبدة ( كبدة العجل )
بقول لا لأصحاب القلوب الضعيفة لأنى زمان كنت بخاف من الكبدة
لما بنجيبها بحس ان فيه قتيل ف البيت
وبردو فيه ناس مبتحبش منظر الدم
عموما أنا حذرت وقد أعذر من أنذر

طبعا مش هوصيكم بنجيب الكبدة من جزار موثوق فيه
أنا بصراحة مبعملهاش كتير

هنا الكبدة كانت كمية كبيرة على مرة واحدة
فعملتها على مرتين
بعد غسلها و أزالة العرق منها



قطعت نصفها شرايح مش رفيعة بسمك سم مثلا





والنص التانى من الكمية قطعته قطع صغيرة كما هو موضح فى الصور



بالنسبة للنص الأول
فى العادة كنت أغسله وأنقعه على طول فى النقعة
لكن صديقة ليّا نصحتنى بأن اضع الكبدة أولا فى ماء مغلى لقتل المكروبات
وجربتها لأول مرة
بس شوية مش مقتنعة بالفكرة
سامحينى يا .........
بتخلى الكبدة ناشفة شوية



اللى حامل بلاش تعمل الخطوة دى يمكن تكره الكبدة طول عمرها
الماية مغلية وعلى نار عالية وفيها فقط ملح ( حتى من غير فلفل )



هنا بعد ما طلعت الكبدة من الماية بعد تركها ف الماء 5 دقايق فقط لاغير



دى مكونات النقعة
ملح وملقعة فلفل اسود وفصين توم وبصلة متوسطة وخل وليمونة

أبشر البصلة واهرس التوم وأضيف الملح والفلفل وأعصر الليمونة واضيف معلقتين او 3 كبار خل وأنا بضع قشرة الليمونة أيضا فى النقعة



أتركها فى التلاجة أقل شىء 5 ساعات
فى العادة اتركها طول الليل



بعدين أخرجها من التلاجة وحمريها فى قليل من الزبدة فى مقلاية على الوجهين

مش بتحتاج وقت كتير 5 دقايق على وجه اول و3 على الوجه التانى

وتقدم مع الارز الأبيض بالشعرية والبطاطس والعصير اللى نسيت أصوره






بالنسبة للشرح طريقة التانية :
فى الفرن وتقدم مع المكرونة

المكعبات اللى قطعتها من الكبد
توضع فى نفس النقعة السابقة ماعدا التوم وتضاف معلقة من زيت الذرة للنقع لأنها هتتشوى



وبردو نتركها منقوعة فى التلاجة لمدة اقلها 5 ساعات
فى العادة اتركها طول الليل



هى سيادتها منقوعة دلوقت فى العلبة دى
صورت العلبة مقفولة معلش مكنتش مركزة
بس أنتو أكيييد مصدقينى انها فى العلبة
والله العظيم فى العلبة

المهم بعد اخراجها من التلاجة انحطها فى صاج وأضيف ماء النقعة فقط
عشان متنشفش فى الفرن

أحطها على حرارة متوسطة ثم اخفض الحرارة لما الماية اللى فيها تبدأ تنشف
واقلبها على الاوجه كلها داخل الفرن
موضوع مقدم من منتديات ديزاد (منتدى الحصريات)


©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©