القهوه من يدين شماليه كفو ... معزومين على فنجال.. وعلوم بنات رجال





بسم الله الرحمن الرحيم


بناء على رغبة احد الاخوات عملت هالقهوه خصيصا لعيونها

بالطريقه ....

المقادير.. قهوه محموسه مع شيبه او نانخه مع مستكه مطحونه وعلى نااار هاديه بالفرن واحسن شيء تحمسينها بصينيه تيفال عشان ماتحترق
واجلسي وروقي على اقل من مهلك كل ماخذت وقت كان احسن تضمنين النكه تطلع ... وحركيها كل شوي عينك عليها ... اذا وصلت للون اللي تبينه خليها تبرد تماما ... وحطيها بعلبه محكمة الاغلاق ...

ماء مغلي... قهوه .. هيل.. مسمار... زنجبيل طازج... جوزة الطيب.. كوفي ميت لايت ..

الماء يكون هالمقدار ...

رفع الصور
وابريق الغلي هذا
رفع الصور

تحطين ثلاث فناجيل قهوه ..




وهذا لونها بعد الطحن


رفع الصور

خليها تغلي نص ساعه ... اذا بدت تفور وطي النار وخليها


نجي للمقادير اللي تضاف لها بعد نص ساعه

هذي جوزة الطيب وكوفي ميت لايت
رفع الصور


وهذي الهيل فيه ملعقه متوسطه انتي تحطين ثلاث ملاعق متوسطه
ملعقه صغيره مسمار مطحون ملعقه صغيره جوزة الطيب مبشور ناعم
ملعقه صغيره زنجبيل مفروم ناعم

رفع الصور

وحطيها على القهوه واتركيها عشر دقايق

رفع الصور

بعدها حطي مشخال صغير وحطيها بالثلاجه الزمزميه الترمس كل احد له مسمى

وبالعافيه على قلوبكم والمفروض احط زعفران بطرف اصابعك يعني ثمان خيوط بالثلاجه وتزلين عليها القهوه بس للاسف ماعندي ..
والجود من الموجود
رفع الصور

اقلطو ترى تكفيني وتكفيكم



شوفو الجو غيم وريحة القهوه والنفوس صافيه ....
وانتم معي وش ابي اكثر يالله الجنه

وهذا لونها ... واول فنجال لكم ... يحرم علي ماخذه قبلكم يعني اول صبه كانت والله لكم ....

رفع الصور
..........................................

انتظروني بانواع قهوه ثانيه
موضوع مقدم من منتديات ديزاد (منتدى الحصريات)


©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©